মীশোৰ পৰা অনলাইনত ড্ৰোন কেমেৰাৰ অৰ্ডাৰ দিলে বিহাৰৰ লোকে। পাৰ্চেলটো ঘৰ পোৱাৰ লগে লগে তেওঁৰ সন্দেহ হ’ল হাতত ধৰাৰ লগে লগে। ডেলিভাৰী বয়ৰ পৰা পেকেটটোও খুলিবলৈ দিলে। ভিতৰৰ পৰা কি ওলাল আপোনালোকে নিজেই দেখিছে…Man Recieve Potato Instead Of Drone: ভাৰতত উৎসৱৰ বতৰ আহিল আৰু অনলাইন ৱেবচাইটবোৰে ডাঙৰ ডাঙৰ অফাৰ দিছে। দীপাৱলী বিক্ৰী আৰম্ভ হৈছে। বিক্ৰীৰ বতৰৰ লগে লগে গ্ৰাহকেও ভাল ডিল পাবলৈ শ্বপিং ৱেবছাইটলৈ ভিৰ কৰিছে। অৱশ্যে কিছুমানে শেষত প্ৰতাৰিত হৈ পৰে। দিল্লীৰ এজন লোকে লেপটপৰ সলনি ডিটাৰজেন্ট বাৰ পালে। এতিয়া বিহাৰৰ পৰাও এনে এক গোচৰ পোহৰলৈ আহিছে। শেহতীয়াকৈ নালন্দাৰ পৰৱালপুৰত মীশোৰ পৰা ক্ৰয় কৰা ড্ৰ’ন কেমেৰাৰ বিনিময়ত এজন লোকে এক কিলো আলু লাভ কৰাৰ অভিযোগ উত্থাপন হৈছে।
ऑनलाइन शॉपिंग करना पड़ा महँगा, युवक ने मंगाया ड्रोन, निकला आलू | Unseen India
— UnSeen India (@USIndia_) September 26, 2022
पूरा वीडियो- https://t.co/KxZ0RsZwUl pic.twitter.com/s81XVfE5Vb
ভিডিঅ’টোত গ্ৰাহকে মীশো ডেলিভাৰী এক্সিকিউটিভক পাৰ্চেলটো ৰেকৰ্ডিং কৰাৰ সময়ত আনবক্স কৰিবলৈ কয়। ডেলিভাৰী বয়জনে যেতিয়া পাৰ্চেলটো খুলিছিল, তেতিয়া ড্ৰ’ন কেমেৰাটোৰ সলনি তাত ১০টা আলু উদ্ধাৰ কৰা হৈছিল। ইফালে, ডেলিভাৰী এক্সিকিউটিভে দাবী কৰিছে যে ইয়াত তেওঁৰ কোনো ভূমিকা নাছিল। চৈতন্য কুমাৰ নামৰ লোকজনে জনোৱা মতে, তেওঁ মীশোৰ পৰা ৰেহাই মূল্যত DJI ড্ৰ’ন কেমেৰাটো ক্ৰয় কৰিছিল। তেওঁ অৰ্ডাৰ দিয়া ড্ৰ’ন কেমেৰাটোৰ বজাৰ মূল্য আছিল ৮৪,৯৯৯ টকা যদিও মীশোত ১০,২১২ টকাত উপলব্ধ আছিল। তেওঁ অলপ সন্দেহ কৰি কোম্পানীটোক এই বিষয়ে এটা ব্যাখ্যা দিবলৈ সিদ্ধান্ত ল’লে।
মীশোৱে তেওঁক ক’লে যে এটা বৃহৎ অফাৰ আছে আৰু সেইবাবেই তেওঁ ইমান কম দামত কেমেৰাটো পাইছে। তেওঁ অনলাইনত সম্পূৰ্ণ পেমেণ্ট কৰিছিল। পৰৱালপুৰৰ SHO য়ে জনোৱা মতে, আবেদন লাভ কৰাৰ পিছত এই বিষয়ত উপযুক্ত ব্যৱস্থা গ্ৰহণ কৰা হ’ব।