পশ্চিম বংগত এগৰাকী সাংসদৰ গাড়ীৰ খুন্দাৰ ফলত প্ৰাণ হেৰুৱাইছে এটি চাৰি বছৰীয়া শিশুৱে। ৰাজ্যখনৰ মুৰ্ছিদাবাদত আজি এই দুৰ্ঘটনা সংঘটিত হৈছে। মুৰ্ছিদাবাদৰ সাংসদ তথা তৃণমূল কংগ্ৰেছৰ নেতা আবু তাহেৰ খানৰ গাড়ীৰ খুন্দাত শিশুটিৰ মৃত্যু হয়।
পথৰ কাষত খেলি থকা শিশুটিয়ে অভিভাৱকৰ অলক্ষিতে খেল এৰি পথৰ মাজলৈ আহে আৰু সাংসদগৰাকীৰ গাড়ীৰ সমুখত অতৰ্কিতে আহি পৰাৰ ফলত এই শোকাৱহ দুৰ্ঘটনা সংঘটিত হয় বুলি জানিব জানিব পৰা গৈছে।
অৱশ্যে শিশুটিক খুন্দা মৰাৰ পিছতে সাংসদ আবু তাহেৰ খানে তাৎক্ষণিকভাৱে নিজৰ গাড়ীতে কাষৰ এখন চিকিৎসালয়লৈ লৈ যায়।
চিকিৎসালয়ৰ বাহিৰত সাংবাদিকৰ আগত ঘটনা সন্দৰ্ভত সাংসদ খানে কয়, “শিশুটি হঠাতে আমাৰ বাহনখনৰ সন্মুখলৈ আহি পৰিছিল। আমি তেওঁক ততাতৈয়াকৈ চিকিৎসালয়লৈ লৈ গৈছিলো। এই শোকাৱহ ঘটনা মোৰ সন্মুখতে ঘটিছিল। হয়তো তেওঁৰ মগজুত আঘাত লাগিছিল।”
Murshidabad, WB | Child dies after being hit by TMC leader Abu Taher Khan's car, confirms Amiya Kumar Bera, Medical Superintendent, Murshidabad Hospital
— ANI (@ANI) November 16, 2022
The child's mother didn't keep watch& the child was running across the road when accident happened: TMC leader Abu Taher Khan pic.twitter.com/f6BC3u2rNp
ইফালে এই শোকাৱহ ঘটনাৰ পাছতে শোকত ভাগি পৰে নিহত শিশুটিৰ পিতৃ-মাতৃ। সাংসদ আবু তাহেৰ খানে এই ঘটনাত শোক প্ৰকাশ কৰি পৰিয়ালটোক উচিত ক্ষতিপূৰণ দিব বুলি প্ৰতিশ্ৰুতি দিয়ে।