ভয়ংকৰ পথ দুৰ্ঘটনা : হালোৱাটিঙত শিল কঢ়িওৱা ট্ৰাক বাগৰাক লৈ চাঞ্চল্য

সমগ্ৰ ৰাজ্যৰ লগতে শিৱসাগৰ জিলা অন্তৰ্গত বিভিন্ন প্ৰান্তৰ সমূহ বাট-পথত নিতৌ বৃদ্ধি পাব ধৰিছে পথ দুৰ্ঘটনা । নাজিৰা মহকুমা অসম-নাগালেণ্ড সীমান্তৱৰ্তী হালোৱাটিঙত আজি এক ভয়ংকৰ পথ দুৰ্ঘটনাই জোকাৰি গৈছে । প্ৰাপ্ত তথ্য অনুসৰি নাগালেণ্ডৰ পৰা হালোৱাটিং ৬১নং ৰাষ্ট্ৰীয় ঘাইপথেৰে শিল কঢ়িওৱা এখন এইছ্‌ আৰ ৩৮ ইউ ৬৫৬৯নম্বৰৰ বহিঃৰাজ্যৰ অভিজ্ঞতাহীন চালকেৰে চালিত ট্ৰাক দুৰ্ঘটনাক লৈ চাঞ্চল্য । হালোৱাটিং লাহদৈগড় মিচিং তিনি আলিত উক্ত ট্ৰাকখন বাগৰি পৰাৰ ফলত ৬১নং ৰাষ্ট্ৰীয় ঘাইপথৰ দুয়োকাষে ব্যাপক হাৰত যান যঁতৰ সৃষ্টি হয় । যদিও দুৰ্ঘটনাটোত কোনো লোক হতাহত হোৱা নাই । পৰৱৰ্তী সময়ত হালোৱাটিং আৰক্ষী থানা ঘটনাস্থলীত উপস্থিত হৈ দুৰ্ঘটনাগ্ৰস্ত ট্ৰাকখনৰ সন্দৰ্ভত বন বিভাগক খবৰ দি  চালকক জিম্মাত লৈ দুৰ্ঘটনাগ্ৰস্ত ট্ৰাকখন আৰক্ষীয়ে উদ্ধাৰ অভিযান অব্যাহত ৰাখিছে ।