সফল হৈয়ো চিন্তিত হৈ পৰিছে মাজুলীৰ আৰতী হাতীমটা ; ৰাইজৰ পৰা সহায়ৰ আহ্বান ।
উজনি-মাজুলী
সদ্যঘোষিত হাইস্কুল শিক্ষান্ত পৰীক্ষাত ৯১.৮৩ শতাংশ নম্বৰসহ ডিষ্টিংচন মাৰ্ক লাভ কৰা মাজুলীৰ বনগাওঁ সমীপৱৰ্তী পুখুৰী-পৰীয়া চুকৰ বাসিন্দা আৰতী হাতীমটা নামৰ ছাত্ৰীগৰাকী এতিয়া উচ্চশিক্ষা লাভৰ বাবে থমকি ৰ’ব লগা হৈছে ৷ মাজুলীৰ অতিকৈ দৰিদ্ৰ পৰিয়ালৰ এই ছাত্ৰীগৰাকী এতিয়া উচ্চ শিক্ষা লাভৰ ক্ষেত্ৰত হেঙাৰ হৈ পৰিছে আৰ্থিক দৈন্যতা ৷ মাজুলীৰ পুখুৰী-পৰিয়া চুকৰ প্ৰশান্ত হাতীমটা আৰু ৰূপা হাতীমটাৰ কন্যা আৰতী হাতীমটাৰ উচ্চ শিক্ষা লাভৰ ক্ষেত্ৰত চিন্তিত হৈ পৰিছে ৷ এতিয়া আৰতীৰ মাক দেউতাকে আৰতীৰ উচ্চ শিক্ষা লাভৰ ক্ষেত্ৰত আৰ্থিকভাৱে সহযোগিতা কামনা কৰিছে সহৃদয় জনৰ পৰা ৷ আৰ্থিক সহায়ৰ বাবে কোনো ইচ্ছুক ব্যক্তি যদি আগ্ৰহী তেনেহ’লে ৬৯০০২৮৭৯১৯ নম্বৰত যোগাযোগ কৰি সহায়ৰ হাত আগবঢ়াব পাৰিব