পাক হাইকমিচনাৰক জনালে ভাৰতৰ বিদেশ মন্ত্ৰালয়ে : শীঘ্ৰে আধা কৰা হ’ব পাক হাইকমিচনাৰৰ কৰ্মীৰ সংখ্যা ।

দৈনন্দিন বাৰ্তাৰ ডেস্ক : পাক দূতাবাসৰ কৰ্মীসকলৰ বহুৱে দেশত গুপ্তচৰৰ কাম কৰিছে৷ লগতে উগ্ৰপন্থীৰ হৈ কামত লিপ্ত আছে৷ ভিয়েনা চুক্তি মনা নাই পাকিস্তানে৷ দিল্লীত পাক হাইকমিচনাৰ দপ্তৰত কৰ্মীৰ সংখ্যা আধা কৰা হ’ব৷ পাকিস্তানক এই বাৰ্তা দিলে ভাৰতে৷ এক সপ্তাহৰ ভিতৰত কৰ্মীৰ সংখ্যা আধা কৰা হ’ব বুলি পাক কমিচনাৰ দায়িত্বৰ বিষয়াক বিদেশ মন্ত্ৰালয়ে জনাই দিয়ে৷ আনহাতে ইছলামাবাদত থকা ভাৰতীয় হাইকমিচনাৰৰ কৰ্মীৰ সংখ্যা আধা কৰাৰ সিদ্ধান্ত লৈছে ভাৰত চৰকাৰে৷ বিদেশ মন্ত্ৰালয়ে এক বিবৃতিত জনায় যে পাকিস্তান আৰু দেশখনৰ বিষয়াসকলৰ আচৰণ ভিয়েনা কনভেনচন আৰু কূটনীতিক আৰু দূতাবাসৰ কৰ্মীসকলৰ সৈতে কি ব্যৱহাৰ কৰা হ’ব তাক লৈ সমগ্ৰ দ্বিপাক্ষিক চুক্তিৰ পৰিপন্থী। বৰং সীমান্তত সন্ত্ৰাস আৰু হিংসা বিয়পাই দিনাৰ নীতি প্ৰতিষ্ঠা কৰিছে৷ সেই বাবেই ভাৰতে দিল্লীৰ পাকিস্তান দূতাবাসৰ কৰ্মীৰ সংখ্যা পঞ্চাশ শতাংশ কমোৱাৰ সিদ লৈছে বুলি বিবৃতিত জনাইছে৷ একেই অনুপাতত ইছলামাবাদত থকা ভাৰতীয় দূতাবাসৰ কৰ্মীৰ সংখ্যা সাত দিনৰ ভিতৰত কমোৱা হ’ব বুলি বিবৃতিত বিদেশ মন্ত্ৰালয়ে জনাইছে৷