Breaking

এইমছৰ সঞ্চালক ৰণদীপ গুলাৰিৱাৰ মতামত : এবাৰ ক’ৰোণাত আক্ৰান্ত হৈ উঠাৰ পাছত দ্বিতীয়বাৰ আক্ৰান্ত হোৱাৰ সম্ভাৱনা বহু কম ।

0 968

দৈনন্দিন বাৰ্তা প্ৰতিবেদন :

এবাৰ ক’ৰোণাত আক্ৰান্ত হৈ উঠাৰ পাছত দ্বিতীয়বাৰ আক্ৰান্ত হোৱাৰ সম্ভাৱনা বহু কম ৷ এই কথা কৈছে এইমছৰ সঞ্চালক ৰণদীপ গুলাৰিৱাই৷ তেওঁ কয় যে যি এবাৰ ক’ৰোণাত আক্ৰান্ত হৈ উঠিছে, তেওঁৰ শৰীৰত ইতিমধ্যে এণ্টিব’ডী তৈয়াৰ হৈ গৈছে ৷ ফলত তেওঁ যদি আনৰ সংস্পৰ্শলৈ যায়, তেওঁৰ শৰীৰত পুনৰ ক’ৰোণা সোমোৱাৰ সম্ভাৱনা বহু কম৷ যদিওবা সোমাই তেওঁক একো কৰিব নোৱাৰে ৷ ইয়াৰ লগতে তেওঁ কয় যে তেজত এণ্টিব’ডীৰ ক্ষমতা কিমান দিন থাকিব এই বিষয়ে এতিয়াই নিশ্চিতকৈ একো ক’ব পৰা নহ’ব৷ দেশত এতিয়াও গোষ্ঠী সংক্ৰমণ আৰম্ভ হোৱা নাই ৷ এই কথা জনালে এইমছৰ সঞ্চালকজনে৷ দেশৰ কেইখনমান ৰাজ্যত ৭০%–৮০% ক’ৰোণাত আক্রান্ত হৈছে৷ সমগ্ৰ দেশত গোষ্ঠী সংক্ৰমণ আৰম্ভ নহ’লেও এই ৰাজ্যকেইখনত গোষ্ঠী সংক্ৰমণ আৰম্ভ হৈ গৈছে৷ কাৰণ সেই ৰাজ্যকেইখনত তীব্ৰ গতিত বাঢ়িছে আক্ৰান্তৰ সংখ্যা৷ বাৰিষাত ক’ৰোণা কমিব বুলি নিশ্চয়কৈ ক’ব নোৱাৰিলে গুলাৰিৱাই৷ তেওঁ কয় যে গ্ৰীষ্ম আৰম্ভ হোৱাৰ সময়ত বহুৱে কৈছিল যে ইয়াৰ প্ৰকোপ কমিব৷ কিন্তু নকমিল৷ বৰং বাঢ়িলহে৷ আনহাতে বাৰিষাৰ সময়ত কেতবোৰ ৰোগ দেখা যায় ৷

Leave A Reply