Breaking

জামুগুৰিহাটৰ ছাত্ৰ পৰাশৰৰ কৃতিত্ব : শিক্ষা বিভাগৰ অনলাইন ৰচনা প্ৰতিযোগীতাত তৃতীয় স্থান দখল

0 1,294

জামুগুৰিহাট, ৪ অক্টোবৰ : ৰাষ্ট্ৰীয় পোষণ মাহ উপলক্ষে শিক্ষা বিভাগে অনুষ্ঠিত কৰা “ৰক্ত হীনতা আৰু ইয়াৰ প্ৰতিকাৰ” শীৰ্ষক অন লাইন ৰচনা প্ৰতিযোগিতাত শোণিতপুৰ জিলাৰ ভিতৰতে তৃতীয় স্থান দখল কৰিবলৈ সক্ষম হৈছে জামুগুৰিহাটৰ মধ্য জামুগুৰি উচ্চ মাধ্যমিক বিদ্যালয়ৰ দশম শ্ৰেণীৰ ছাত্ৰ পৰাশৰ বৰা ৷ সেই উপলক্ষে ২ অক্টোবৰ গান্ধী জয়ন্তীৰ প্ৰবিত্ৰ দিনটোত শোণিতপুৰ জিলা প্ৰশাসন আৰু শিক্ষা বিভাগে যুটীয়া ভাবে আয়োজন কৰা গান্ধী জয়ন্তী উদযাপন অনুস্থানত উপায়ুক্ত কাৰ্যালয়ৰ সভাকক্ষত ছাত্ৰ পৰাশৰ বৰাক এখনি গামোচা, ট্ৰফী আৰু এখনি মানপত্ৰৰে অভিনন্দন জনাই জিলা উপায়ুক্তই। মধ্য জামুগুৰি উচ্চ মাধ্যমিক বিদ্যালয়ৰ ছাত্ৰ পৰাশৰ বৰাৰ এই কৃতিত্বত অভিনন্দন জনোৱাৰ লগতে ছাত্ৰ পৰাশৰৰ উজ্জ্বল ভৱিষ্যত কামনা কৰিছে বিদ্যালয় কৰ্তৃপক্ষই ৷ উল্লেখ্য যে ছাত্ৰ পৰাশৰ বৰা জামুগুৰিহাটৰ মৰণাকুৰি গাঁৱৰ অৱসৰপ্ৰাপ্ত শিক্ষক দূৰ্গেশ্বৰ বৰা আৰু মৌচুমী বৰাৰ পুত্ৰ ৷