বকোৰ ডেকাচাঙত কৃতী ছাত্ৰ-ছাত্ৰীক সম্বৰ্ধনা ।
সোণতলী
সদ্য ঘোষিত হাই স্কুল শিক্ষান্ত পৰীক্ষাত সুখ্যাতিৰে ভাল ফলাফল দেখুওৱা বহু কেইগৰাকী ছাত্ৰ ছাত্ৰীক আজি ডেকাচাংত সম্বৰ্ধনা জনোৱা হয়৷ আজি দক্ষিণ কামৰূপৰ বকোৰ ডেকাচাংস্থিত ড° এ পি জে আব্দুল কালাম একাডেমিত হাইস্কুল শিক্ষান্ত পৰীক্ষাত উত্তীৰ্ণ হোৱা শিক্ষাৰ্থীক অভিনন্দন জনাবলৈ অনুষ্টপীয়াকৈ সম্বৰ্ধনা অনুষ্ঠানৰ আয়োজন কৰে৷ উল্লেখ্য যে, একাডেনিখনৰ প্ৰাক্তন অধ্যক্ষ ছবুৰ উদ্দিনৰ পৌৰহিত্যত সম্পুৰ্ণ সামাজিক দুৰত্ব বজাই ৰাখি আয়োজন কৰে সম্বৰ্ধনা অনুষ্ঠান৷ স্মৰ্তব্য যে একাডেমিৰ পৰা এইবেলি মুঠ ১৮ গৰাকী ছাত্ৰ ছাত্ৰীয়ে হাইস্কুল শিক্ষান্ত পৰীক্ষাত অৱতীৰ্ণ হৈ আটাইবোৰ ছাত্ৰ ছাত্ৰীয়ে এই পৰীক্ষাত উত্তীৰ্ণ হোৱাত একাডেমীৰ ফালৰ পৰা অতিকৈ আনন্দ প্ৰকাশ কৰে । ইয়াৰ ভিতৰত এগৰাকীয়ে ডিষ্টিংচন নম্বৰ লাভ কৰাৰ বিপৰিতে দুজনে ষ্টাৰ নম্বৰ, ৫ জনে প্ৰথম বিভাগত, ৮ জনে দ্বিতীয় বিভাগত আৰু ২ জনে তৃতীয় বিভাগত উত্তীৰ্ণ হবলৈ সক্ষম হয়৷ উল্লেখ্য যে, অসম মিঞা পৰিষদৰ কামৰূপ জিলা সমিতি আৰু একাডেমিৰ সৌজন্যত অনুষ্ঠিত কৰা এই সম্বৰ্ধনা অনুষ্ঠানত উপস্থিত থকা ছাত্ৰ ছাত্ৰীক একাডেমী আৰু অসম মিঞা ( অসমীয়া) পৰিষদৰ কামৰূপ জিলা সমিতিৰ সভাপতি এম মুক্তিৰ মণ্ডল, কাৰ্যকৰী সভাপতি আব্দুল কাদেৰ আকন্দে ফুলাম গামোচা, কিতাপ আৰু মানপত্ৰৰে সম্বৰ্ধনা জনাই ।
