৬৭ বছৰ বয়সত ৩০ বছৰীয়া যুৱকৰ দৰে অভিনেতা অনিল কাপুৰ, তেওঁৰ ফিটনেছৰ ৰহস্য বিষয়ে ক’লে কন্যা সোণম কাপুৰে…
বয়স বৃদ্ধিৰ লগে লগে বুঢ়া যেন দেখাৰ পৰিৱৰ্তে দিনক দিনে সৰু যেন দেখা গৈছে অনিল কাপুৰক। বলীউডৰ অভিনেতা অনিল কাপুৰক কোনো পৰিচয়ৰ প্ৰয়োজন নাই। আজিও যেতিয়া তেওঁ পৰ্দাত থাকে তেতিয়া আজিৰ ছুপাৰষ্টাৰসকলকো তেওঁৰ সন্মুখত পাৰ্শ্ব অভিনেতা যেন লাগে। কেৱল অভিনয় দক্ষতাৰ বাবেই নহয় তেওঁৰ ফিটনেছ ইমানেই শক্তিশালী যে ৬৭ বছৰ বয়সতো তেওঁৰ মুখত ৩০ বছৰীয়া যুৱকৰ দৰে জিলিকনি। অনিল কাপুৰৰ চেহেৰা আৰু ব্যক্তিত্বৰ তুলনাত আজিৰ যুৱ তাৰকা ম্লান হৈ পৰে বুলি ক’লেও ভুল নহয়।
এনে পৰিস্থিতিত মনত প্ৰশ্ন উত্থাপন হয় যে অনিল কাপুৰে কি ডায়েট বা ফিটনেছ ৰুটিন মানি চলে। গতিকে ইয়াৰ উত্তৰ আপুনি জানিব পাৰিব সোণম কাপুৰৰ পৰা। শেহতীয়াকৈ গ্ৰন্থ উন্মোচনৰ সময়ত তেওঁ পিতৃ অনিল কাপুৰৰ জীৱনশৈলীৰ গোপনীয়তা প্ৰকাশ কৰে, যিবোৰ আপোনাৰ স্বাস্থ্যৰ বাবে অতি উপকাৰী বুলি প্ৰমাণিত হ’ব পাৰে। সোণম কাপুৰে কয় যে তেওঁৰ পিতৃ অনিল কাপুৰে মদ আৰু চিগাৰেট খোৱাৰ অভ্যাস বা যিকোনো ধৰণৰ নিচাৰ পৰা আঁতৰি থাকে।
সোণম কাপুৰে লগতে কয় যে স্বামীৰ ফিটনেছক লৈ তেওঁৰ মাতৃ সুনীতা কাপুৰ অতি ছিৰিয়াছ। অভিনেত্ৰীগৰাকীয়ে কয় যে প্ৰথম অৱস্থাত দেউতাই কেতিয়াবা অস্বাস্থ্যকৰ বস্তু খাই ভাল পাইছিল যদিও মা সদায় স্বাস্থ্য সচেতন হৈ আহিছে যাৰ বাবে সকলো ত্যাগ কৰিবলগীয়া হৈছিল।