”ॐ श्री गणेशाय नमः। পবিত্ৰ গণেশ চতুৰ্থীৰ শুভক্ষণত ভক্তপ্ৰাণ ৰাইজক শুভকামনা জনাইছোঁ আৰু প্ৰভু গণেশ বাবাৰ শ্ৰীচৰণত ভক্তিভৰা সেৱা যাচিছোঁ । প্ৰভু গণেশ বাবাৰ আশীৰ্বাদে পৃথিৱীৰ পৰা নাশ কৰক সকলো অপায়-অমংগল। গণেশ বাবাৰ কৃপাত সকলোৰে জীৱন সুখ-শান্তি-সমৃদ্ধিৰে ভৰি উঠক তাৰে কামনা ” এইদৰে সামাজিক মাধ্যমত অভিনেত্ৰী আইমী বৰুৱাই পোষ্ট কৰিছে ।
পৱিত্ৰ এইক্ষণত এজোৰ হালধীয়া সাজ পৰিধান কৰি অভিনেত্ৰী আইমী বৰুৱাই হাতত গণেশৰ মূৰ্তি এটি লৈ ফটো তুলি আপলোড কৰিছে । আনুৰাগীয়ে কৈছে-”যিকোনো দেৱ দেৱীৰে প্ৰতিমা হাতত লোৱা আপোনাৰ হবি যেন লাগিছে, যোৱাবাৰ মা দূৰ্গাৰ চিন্নমুণ্ড লৈ কৰা ফটো চেছনৰ কথা মনত পৰিল । ”
আন এগৰাকীয়ে কৈছে–”ৰাগিনী মেগা ছিৰিয়েলখনত যে আপোনাৰ সৰু এটা গনেশ আছিল মনত পৰি গ’ল ” ।
আন এগৰাকীয়ে কৈছে- ”আজি পবিত্ৰ গণেশ চতুৰ্থী উপলক্ষে সকলোকে আন্তৰিক শুভেচ্ছা জ্ঞাপন কৰিলোঁ। আগুন্তুক দিনবোৰ যেন আটাইৰে অনাবিল সুখ, শান্তি আৰু সমৃদ্ধিৰে উপচি পৰে তাৰে কামনাৰে সিদ্ধিদাতাৰ ওচৰত প্ৰাৰ্থনা জনাইছোঁ।”
আন এগৰাকীয়ে কৈছে-”ভাগ্য ভাল এইবাৰ সম্পূৰ্ণ হৈ আহিল, মূৰতো যে নাহিল ।। বাকী গণপতি বাপ্পা মৰিয়া ।”