হোজাইত আধাৰ কাৰ্ড প্ৰস্তুত কৰাৰ নামত মুকলিকৈ ধন সংগ্ৰহৰ অভিযোগ

ডবকা : হোজাই আমবাৰীত আধাৰ কাৰ্ড প্ৰস্তুত কৰাৰ নামত মুকলিকৈ ধন সংগ্ৰহ কৰাক কেন্দ্ৰ কৰি চাঞ্চল্যৰ সৃষ্টি কৰিছে । ধন সংগ্ৰহৰ দৃশ্য কেমেৰাত বন্দী গ্ৰাহকৰ। ব্যৱস্থা গ্ৰহনৰ দাবী দল সংগঠনৰ। জিলা খনৰ একাংশ কেন্দ্ৰত আধাৰ কাৰ্ড প্ৰস্তুত কৰাৰ নামত ধন সংগ্ৰহ একাংশ আধাৰ কেন্দ্ৰৰ কৰ্মচাৰীৰ। সমগ্ৰ হোজাই জিলাৰ লগতে ডবকাৰ আমবাৰী আধাৰ কেন্দ্ৰত ধনৰ বিনিময়ত গ্ৰাহকক দিয়া হয় আধাৰ কাৰ্ড। কেন্দ্ৰটোত প্ৰত্যেক জন গ্ৰাহকে আধাৰ কাৰ্ড প্ৰস্তুত কৰোতে দিব লাগে ৫০০/৬০০ টকাকৈ। টকা নিদিলে সঘনাই ঘুৰাই থাকে কৰ্মচাৰী সকলে। কেন্দ্ৰটোত দাবি কৰা ধনতকৈ কম দিলে গ্ৰাহকক গালি-ধমকিৰে বাহিৰলৈ ওলাই দিয়াৰ অভিযোগ একাংশ লোকৰ । দৰিদ্ৰ জনতাৰ মূৰত ৰাম টাঙুন সোধাই আধাৰ কাৰ্ডৰ নামত এই ধন সংগ্ৰহ কৰি আহিছে মইজুল হক নামৰ এগৰাকী শিক্ষক আৰু চুপাৰভাইজৰ হিল্লাল আহমেদ। কেন্দ্ৰটোত গ্ৰাহকৰ পৰা গোপনে ধন সংগ্ৰহ কৰাৰ সময়ত গ্ৰাহকেই মোবাইলৰ কেমেৰাত বন্দী কৰিবলৈ সক্ষম হয়। গ্ৰাহকৰ মোবাইলত বন্দী হোৱা এই দৃশ্য বিভাগীয় কৰ্তৃপক্ষই প্ৰত্যক্ষ কৰাৰ পাছত কেনে ধৰনৰ ব্যৱস্থা গ্ৰহণ কৰে সেয়া লক্ষ্যণীয় হব ।