কংগ্ৰেছ আৰু তেওঁলোকৰ সহযোগীসকলে গণতন্ত্ৰক লজ্জিত কৰিছেঃ অমিত শ্বাহ
দৈনন্দিন বাৰ্তাৰ সেৱা, ৪ নৱেম্বৰঃ মুম্বাইস্থিত ৰিপাব্লিক টিভিৰ মুখ্য সম্পাদক অৰ্ণৱ গোস্বামী গ্ৰেপ্তাৰক তীব্ৰ সমালোচনা কৰিছে কেন্দ্ৰীয় গৃহমন্ত্ৰী অমিত শ্বাহে৷ আনহাতে সমগ্ৰ ঘটনাক লৈ কংগ্ৰেছৰ লগতে সহযোগী দল সমূহক কটাক্ষ কৰিছে গৃহমন্ত্ৰী গৰাকীয়ে।
অমিত শ্বাহে ঘটনাটোক ইন্দিৰা গান্ধী শাসনৰ সময়ত দিয়া জৰুৰীকালীন ঘটনাৰ লগত সাঙুৰি বিৰোধিতা কৰিছে।
গৃহমন্ত্ৰী গৰাকীয়ে টুইট কৰি কয়, “কংগ্ৰেছ আৰু তেওঁলোকৰ সহযোগীসকলে গণতন্ত্ৰক লজ্জিত কৰিছে৷ ৰিপাব্লিক টিভি আৰু অৰ্ণৱ গোস্বামীৰ বিৰুদ্ধে কৰা এই শক্তি ব্যক্তিগত স্বাধীনতা আৰু গণতন্ত্ৰত কৰা আক্ৰমণ। সংবাদমাধ্যমৰ স্বাধীনতাৰ সন্দৰ্ভত বিৰোধ হ’ব আৰু হোৱাটো স্বাভাৱিক।”