Breaking

ৰাষ্ট্ৰীয় পৰ্যায়ৰ ম’বাইল ফটোগ্ৰাফী প্ৰতিযোগিতাৰ ফলাফল ঘোষণা

0 11

গোলাঘাট

গোলাঘাটৰ কেইজনমান কুইজপ্ৰেমী যুৱকৰ দ্বাৰা গঠিত ‘ইকুইনক্স’ নামৰ কুইজ ক্লাবৰ উদ্যোগত সৰ্বভাৰতীয় পৰ্যায়ত অনুষ্ঠিত কৰা এখনি ম’বাইল ফটোগ্ৰাফী প্ৰতিযোগিতাৰ ফলাফল সোমবাৰে ঘোষণা কৰা হয়। বিশ্বজিৎ পূজাৰী,  চাইদ নেকিব,  শৰৎ চেতিয়া আৰু সমৰ শৰ্মা নামৰ যুৱক চাৰিজনৰ দ্বাৰা গঠিত ইকুইনক্সৰ উদ্যোগত ফটোগ্ৰাফীৰ প্ৰতি আগ্ৰহী লোকসকলক উৎসাহিত কৰাৰ উদ্দেশ্যে ‘snap era 1.0’ শীৰ্ষক ৰাষ্ট্ৰীয় পৰ্যায়ৰ এখনি ম’বাইল ফটোগ্ৰাফী প্ৰতিযোগিতা অনুষ্ঠিত কৰা হৈছিল। মূলতঃ প্ৰকৃতি বিষয়ক আলোকচিত্ৰ ম’বাইল যোগে আবদ্ধ কৰি প্ৰেৰণ কৰিবলৈ দিয়া এই প্ৰতিযোগিতাখনত দেশৰ বিভিন্ন প্ৰান্তৰ বহুতো প্ৰতিযোগীয়ে অংশ গ্ৰহণ কৰে।  উদ্যোক্তাসকলে প্ৰতিযোগিতাৰ ফলাফল ঘোষণা কৰে। ফলাফল অনুসৰি প্ৰথম স্থান অধিকাৰ কৰে নতুন দিল্লীৰ জাকিৰ হুছেইন কলেজৰ স্নেহাংশু ভট্টাচাৰ্য, দ্বিতীয় স্থান লাভ কৰিবলৈ সক্ষম হয় গোলাঘাট ৰিলায়েন্স কলেজৰ ছাত্ৰ জ্ঞানদীপ দুৱৰা আৰু তৃতীয় স্থান অধিকাৰ কৰে দেৰগাঁৱৰ আজাদুৰ ৰহমানে। বিজয়ীসকলক নগদ ধন আৰু মানপত্ৰ প্ৰদান কৰা হ’ব বুলি উদ্যোক্তাসকলে জানিবলৈ দিছে।  উল্লেখ্য যে ইকুইনক্সৰ দ্বাৰা যোৱা ৩ মে’ত ৰাষ্ট্ৰীয় পৰ্যায়ৰ এখনি অনলাইন কুইজ প্ৰতিযোগিতা অনুষ্ঠিত কৰা হৈছিল যিখনে যথেষ্ট আশাব্যঞ্জক সঁহাৰি লাভ কৰা দেখা গৈছিল।