Breaking

ন ৰূপত অনুপম শইকীয়াৰ “হাতৰে আঙুলি”

0 435

শাৰদীয় দুৰ্গোৎসৱৰ প্ৰাকক্ষণত অনুপম মিউজিক ক্ৰিয়েশ্যনৰ বেনাৰত সোমবাৰে মহানগৰীৰ ৰাজগড়স্থিত টেম্পটেশ্যন ষ্টুডিঅ’ত “হাতৰে আঙুলি লিহিৰি লিহিৰি” শীৰ্ষক এটি গীত মুকলি কৰা হয়। বিশিষ্ট সংগীতশিল্পী অনুপম শইকীয়া আৰু প্ৰিয়ংকা ভৰালীয়ে কণ্ঠ নিগৰোৱা গীতটি ইতিপূৰ্বে ১৯৯৯চনত মুক্তি লাভ কৰা চুপাৰহিট শ্ৰব্য কেছেট “মন”ত কণ্ঠ নিগৰাইছিল বলীউডৰ জনপ্ৰিয় কণ্ঠশিল্পী সদ্যপ্ৰয়াত কেকে, ছান, সাধনা স্বৰগম আৰু অনুপম শইকীয়াই। গীতটিৰ কথা-সুৰ তথা সংগীত অনুপম শইকীয়াৰ। সংগীত ব্যৱস্থাপনা দীপকেশ বৰগোঁহাইৰ। গীতটিৰ মিক্স এণ্ড মাষ্টাৰিং কৰিছে দিগন্ত বৰদলৈয়ে। আনহাতে, নব্বৈ দশকৰ জনপ্ৰিয় গীতটি ন-ৰূপেৰে সজাই পুনৰ শ্ৰোতা-দৰ্শকৰ মাজলৈ আগবঢ়াই জনপ্ৰিয় শিল্পী অনুপম শইকীয়াই “হাতৰে আঙুলি লিহিৰি লিহিৰি” গীতটি “Anupam Saikia Official” ইউটিউব চেনেলযোগে মুক্তিলাভ কৰাৰ লগতে সংগীতপ্ৰেমী ৰাইজে গীতটিক আঁকোৱালি ল’ব বুলি আশা প্ৰকাশ কৰে।

Leave A Reply