সোণতলী : দ্বিতীয়টো বানে ইতিমধ্য ৰাজ্যৰ ভিন্নপ্ৰান্ত বিস্তৰ ক্ষতিসাধন কৰাৰ পিছতে আকৌ ব্ৰহ্মপুত্ৰ জলপৃষ্ঠ ফেনে ফুটুকাৰে বৃদ্ধি হ’ব ধৰিছে৷ কেবাদিন ধৰি হৈ থকা নেৰানেপেৰা বৰষুণৰ ফলত লুইতৰ বাঢ়নী পানীয়ে তৃতীয় বাৰৰ বাবে জলমগ্ন হৈ পৰিছে সোণতলীৰ বিস্তীৰ্ণ অঞ্চল৷ ওখ শিৱিৰ অথবা মথাউৰিত আশ্ৰয় লৈ থকা হাজাৰ হাজাৰ পৰিয়ালে নিজৰ আপোন ঘৰখনলৈ উভতি পূৰ্ব্বেই তৃতীয়টো শংকিত কৰি পেলাইছে নৈপৰীয়া ৰাইজক৷ উল্লেখ্য যে, জনপ্ৰতিনিধি অথবা চৰকাৰৰ ফালৰ পৰা কোনো ধৰণৰ সহাৰি নোপোৱা বন্যাৰ্তক সহায় কৰিবলৈ আগবাঢ়ি আহিল সোণতলী অঞ্চলৰ অগ্ৰণী ব্যক্তিগত খণ্ডৰ বিদ্যালয় ‘আৰাফা ৰয়েল একাডেমিৰ শিক্ষক সমাজ৷ উল্লেখনীয় যে, বিদ্যালয়খনৰ স্বত্বাধিকাৰী তথা সোণতলী আঞ্চলিক মহাবিদ্যালয়ৰ প্ৰবক্তা মুল্লুক চান বাবুৰ (এম চি বাবু) নেতৃত্বত বিদ্যালয়খনৰ শিক্ষকসকলে যন্ত্ৰচালিত নাৱৰে পানীখাইতী, বৰদিয়া নয়াপাৰা, জতিয়াদিয়া আদি অঞ্চল পৰিদৰ্শন কৰে৷ প্ৰতিটো শিবিৰত আশ্ৰয় লোৱা বন্যাৰ্তক সহায় কৰিবলৈ বিদ্যালয়ৰ তৰফৰ পৰা চাউল, দালি, আলু, মিঠাতেল, চিৰা, চেনী, বিস্কুট, নিমখ, মমবাতি আদি অত্যাৱশ্যকীয় সামগ্ৰী বিতৰণ কৰে৷ ইয়াৰ উপৰিও পানীখাইতীত বানে উঠি অহা অসহায় এটা পৰিয়ালক ত্ৰিপালৰ লগতে খাদ্য সামগ্ৰীৰ যোগান ধৰে৷ ইপিনে বিদ্যালয়খনৰ স্বত্বাধিকাৰী মুল্লুক চান বাবুয়ে (এম চি বাবু) বান সমস্যা সমাধান কৰাৰ উপৰিও খহনীয়াগ্ৰস্থ পৰিয়ালক পুনৰ সংস্থাপন দিয়াৰ বাবে চৰকাৰলৈ আহ্বান জনায়৷ স্মৰ্তব্য যে, বিদ্যালয়খনৰ শিক্ষক সমাজৰ এনে মহানুভৱতাক বানাক্ৰান্তই ভূয়সী প্ৰশংসা কৰা দেখা যায়৷
Breaking
- গুৱাহাটী স্মাৰ্ট চিটী প্ৰকল্প পৰ্যবসিত হৈছে খীৰতী গাইলৈ। ছ বছৰত ৩৬৪ কোটি ব্যয় কৰাৰ পিছতো প্ৰতিফলিত হোৱা নাই উন্নয়নৰ ছবি
- কৃতি চাননৰ ৩২ তম জন্মদিনত সুশান্তৰ সৈতে ৰোমান্টিক ফটো চাওক। আৱেগিক হৈ পৰিল কৃতি চানন
- চৰাইবাহী বৰভগীয়াত ড্ৰাগচ বিৰোধী অভিযানত মিকিৰভেটা আৰক্ষীৰ বৃহৎ সফলতা
- অত্যাৱশ্যকীয় সামগ্ৰীৰ মূল্য বৃদ্ধিৰ বিৰুদ্ধে গোলাঘাট মহকুমা ছাত্ৰ সন্থাৰ উত্তাল প্ৰতিবাদ
- ৬০ আসাম গাৰ্লছ বেটেলিয়ান এন চি চিৰ বাৰ্ষিক শিবিৰৰ সামৰণি
- ইউ পি পি এল – বি পি এফে হালবাই পদুম ফুলৰ খেতি কৰিব বিচাৰিছেঃ ভূপেন বৰা
- “তিনি গগৈ লগ লাগি উজনিৰ পৰা বিজেপি ছাফা কৰি আহিছো -অখিল গগৈ…
- মনৰ দৃঢ়তাৰে সপোনক বাস্তৱ কৰি চিকিৎসক হ’ল প্ৰিয়ম বৰা…
- এইবাৰ ভাৰতে টি-২০ বিশ্বকাপ ট্ৰফী লাভ কৰিব বুলি মই আশাবাদীঃ ৰিয়ান পৰাগ…
- MBBSৰ চূড়ান্ত পৰীক্ষাত অসমৰ ভিতৰত তৃতীয় স্থানেৰে টীয়কলৈ গৌৰৱ কঢ়িয়াই আনিছে মধুসূদন কলিতাই…
- নাৰায়ণপুৰ উচ্চতৰ মাধ্যমিক বিদ্যালয়ৰ ৰাষ্টীয় সেৱা আঁচনি গোটৰ সপ্তাহ জোৰা সমাজসেৱা কাৰ্যসূচীৰ সফল সামৰণি…
- ৮৯ সংখ্যক জন্মদিনত অৱসৰী অধ্যাপক, কথাশিল্পী তথা লেখক ঘন হাজৰিকাক সম্বৰ্দ্ধনা…
- কেতিয়া আৰু কিমান সময় ৰ’দত থাকিলে লাভ কৰিব ভিটামিন ডি…
- আমেথিৰ পৰা প্ৰতিদ্বন্দ্বিতা কৰাৰ সাহস নাই বাবেই ৰাহুলে বাছি লৈছে ৰায়বৰেলী সমষ্টি, মোদীৰ কটাক্ষ…