আগন্তুক ১ ৰ পৰা ৪ মে'(Asmita Khelo India Women’s Pencak Silat League) তাৰিখে মহাৰাষ্ট্ৰৰ কপাৰখাৰ্নেত ইণ্ডিয়ান পেনচাক চিলাট ফেডাৰশ্ব্যনৰ উদ্যোগত আৰু মহাৰাষ্ট্ৰ পেন্চাক চিলাট এছ’চিয়েশ্বনৰ সহযোগত চাৰিদিনিয়াকৈ অনুষ্ঠিত হ’বলগীয়া আস্মিতা ৰাষ্ট্ৰীয় খেল’ ইণ্ডিয়া উইমেন পেন্চাক চিলাট লীগ।
২০২৫ ত ৰাজ্যখনক প্ৰতিনিধিত্ব কৰিবলৈ অসমৰ মহিলা পেন্চাক চিলাট খেলুৱৈসকল আজি গুৱাহাটী ৰেল-ষ্টেশ্বনৰ পৰা মহাৰাষ্ট্ৰ অভিমুখে ৰাওণা হৈছে। ভাৰতীয় ক্ৰীড়া প্ৰাধিকৰণৰ প্ৰত্যক্ষ পৰ্য্যবেক্ষণত হ’ৱলগীয়া উক্ত প্ৰতিযোগিতাত দেশৰ ৩৬ ৰাজ্যৰ প্ৰায় ১৫০০ গৰাকী জুনিয়’ৰ মহিলা খেলুৱৈয়ে অংশগ্ৰহণ কৰিব।
প্ৰতিযোগীতাখনত অসমৰ ধেমাজী জিলাৰ পৰা নিহাৰিকা নেওগ, অনিতা চুতিয়া, হেপ্পি দেৱনাথ আৰু লাকী বিশ্বকৰ্মা, গোলাঘাত জিলাৰ তুষ্টিপ্ৰিয়া বৰা, ৰশ্মিতা নাথ, মনিকা বড়ো, সুমন গৌড়, চিম্পী বৰা আৰু ৰিম্পী গগৈ, শিৱসাগৰ জিলাৰ দিল আফ্ৰুজা বেগম, যোৰহাট জিলাৰ বৈষ্ণবী কছাৰী, বিশ্বনাথ জিলাৰ স্নেহা গগৈ আৰু গোৱালপাৰা জিলাৰ সাগৰিকা ৰাভা আদি চৈধ্য গৰাকী গেলুৱৈয়ে টেণ্ডিং, টুংগল, গাণ্ডা, ৰেগু আৰু ক্ৰীয়েটিভ ছ’ল’ আদি শাখাত প্ৰতিযোগিতা আগবঢ়াব বুলি অসম পেনচাক চিলাট সন্থাৰ প্ৰতিষ্ঠাপক সাধাৰণ সম্পাদক আৰু কাৰিকৰী সঞ্চালক তথা উত্তৰ-পূৱ পেনচাক চিলাট মহাসংঘৰ উপ-সভাপতি লক্ষ্যজিত দলে জানিবলৈ দিয়ে।