বৈঠকৰ অন্তত জেহাদীৰ বিৰুদ্ধে হুংকাৰ ডিজিপি ভাস্কৰজ্যোতি মহন্তৰ। অসম আৰক্ষীয়ে সামাজিক পৰিস্থিতিৰ লগতে ভৌগোলিক অখণ্ডতাৰ ক্ষেত্ৰত কোনো আপোচ নকৰে । জেহাদীয়ে হওঁক বা অন্য শক্তিয়ে হওঁক কাকো সুদাই এৰা নহ’ব । শিৱসাগৰত আৰক্ষী উচ্চ পদস্থ বিষয়াৰে হোৱা বৈঠকৰ অন্তত এই সকিয়নী অসম আৰক্ষীৰ সঞ্চালক প্ৰধানৰ ।জেহাদীৰ বিৰুদ্ধে বহু ভিতৰলৈ অসম আৰক্ষী সোমাই যাবলৈ সক্ষম হোৱা বুলিও মন্তব্য ডিজিপি ভাস্কৰজ্যোতি মহন্তৰ।
লক্ষ্যণীয় যে শিশু আৰু নাৰীজনীত অপৰাধ ৰোধৰ বাবে বিশেষ পদক্ষেপ লোৱাৰ কথা ঘোষণা অসম আৰক্ষীৰ সঞ্চালক প্ৰধান গৰাকীৰ । শিৱসাগৰত আৰক্ষীৰ উচ্চ পদস্থ বিষয়াৰে হোৱা বৈঠকৰ পিছতে এই ঘোষণা ডিজিপিৰ। শিৱসাগৰক পাইলট প্ৰজেক্ট হিচাপে লৈ কাম আৰম্ভ কৰা বুলি সদৰি কৰে ভাস্কৰজ্যোতি মহন্তই ।মহিলাক সুৰক্ষা দিয়াৰ ক্ষেত্ৰত ১১ খন জিলাত বিশেষ কোষ গঠন কৰা হৈছে ।
যৌন নিৰ্যাতনৰ সন্মুখীন হোৱা মহিলাক কিদৰে সহায় কৰিব পৰা যাব তাৰ ওপৰত গুৰুত্ব দিয়া হৈছে মন্তব্য প্ৰকাশ অসম আৰক্ষীৰ সঞ্চালক প্ৰধানৰ ।
