পাকিস্তানৰ ৰেল মন্ত্ৰীৰ অদ্ভুত মন্তব্যৰ পিছতেই জ্বলিছে অসম । ডবকাত পাক প্ৰধানমন্ত্ৰীৰ পুত্তলিকা দাহ আমছু’ৰ
ডবকা : পাকিস্তানৰ হাতত হেনো এনে অস্ত্ৰ আছে যিয়ে নিমিষতে ধ্বংস কৰি পেলাব পাৰিব ভাৰতীয় হিন্দুসকলক। কিন্তু এই আক্ৰমণৰ পৰা বাছি যাব ভাৰতত বাস কৰা মুছলমানসকল, পাকিস্তানৰ মন্ত্ৰীৰ অদ্ভুত দাবীৰ পিছতেই জাঙুৰ খাই উঠিছে ভাৰতীয় মুছলমানসকলৰ লগতে দল-সংগঠনে। হোজাই জিলাৰ ডবকাৰ ৩৬ নং ৰাষ্ট্ৰীয় ঘাইপথত কালি হোজাই জিলা আমছু’ৰ উদ্বোগত পাকিস্তানৰ প্ৰধানমন্ত্ৰী ইমৰাণ খানৰ প্ৰতিমূৰ্তি দাহ কৰি পাকিস্তান বিৰোধী বিভিন্ন শ্লোগানেৰে উত্তাল প্ৰতিবাদ সাব্যস্ত কৰে সংগঠন টোৱে। ৰাজুহুৱাকৈ ভাৰতবৰ্ষ উৰুৱাই দিয়াৰ ভাবুকি দিয়া পাকিস্তানৰ ৰে’লমন্ত্ৰী শ্বেইখ ৰছিদ আহমেদে দেশখনৰ ‘ছামা টিভি’ সৈতে হোৱা সাক্ষাত্কাৰত কেইছিল যে, ‘একেবাৰে অসম পৰ্যন্ত আক্ৰমণ কৰিবলৈ পাকিস্তানৰ হাতত এনে অস্ত্ৰ আছে, যাৰ সহায়ত মুছলমানসকলৰ কোনো ক্ষতি নোহোৱাকৈ দেশ ধ্বংস কৰিব পৰা যাব। এক স্মাৰ্ট পাৰমাণিৱক বোমা নিৰ্মাণ কৰা হৈছে দেশখনত। আৰু এইবাৰ আক্ৰমণ হ’লে ভাৰতবৰ্ষক একেবাৰে শেষ কৰি পেলাব পৰা সামৰ্থ আছে বুলিও কৈছিল পাকিস্তানৰ মন্ত্ৰীগৰাকীয়ে। সংবাদ মাধ্যমৰ জৰিয়তে খবৰ বিয়পি পৰাৰ লগে লগে এইদৰে জ্বলি উঠিছে অসম। কালিৰ প্ৰতিবাদত আমছু’ৰ কেন্দ্ৰীয় সমিতিৰ উপসভাপতি মনোৱাৰ হুছেইন (বকুল), সহকাৰী সম্পাদক গিয়াছ উদ্দিন তাপাদাৰৰ লগতে হোজাই জিলা সমিতিৰ সাধাৰণ সম্পাদক কবিৰ আহমেদ লস্কৰ আৰু লুৎফুৰ ৰহমানে নেতৃত্ব বহন কৰে।