অসম কুডু সন্থাৰ সংবাদমেল।ৰাষ্ট্ৰীয় পৰ্যায়ত বঁটা প্ৰাপক খেলুৱৈক সম্বৰ্ধনা
১৪ মাৰ্চত শিমলুগুৰি শ্বহীদ ভৱনত অসম কুডু সন্থাৰ এখনি সংবাদমেল আয়োজন কৰা হয়। অসম কুডু সন্থাৰ প্ৰচাৰ সম্পাদক ভাস্কৰ জ্যোতি মহন্তই আঁতধৰা উক্ত অনুষ্ঠানত যোৱা ১৪ ফেব্ৰুৱাৰী ৰ পৰা ১৯ ফেব্ৰুৱাৰী – ২০২২ লৈকে ভাৰত চৰকাৰৰ ( Ministry of Youth Affires)য়ে হিমাচল প্ৰদেশৰ এল, আৰ ইউনিভাৰচিটি (চ’লানত) আয়োজিত ৰাষ্ট্ৰীয় পৰ্যায়ৰ কুডু প্ৰতিযোগিতাত অসম কুডু সন্থাৰ তৰফৰ পৰা এঘাৰ(১১) জনীয়া দলে অংশগ্ৰহণ কৰিছিল আৰু স্বাৰশ্বত দাসে ৰূপৰ পদক,তনিষ্ঠা দত্তই দুটা ইভেণ্টত ব্ৰঞ্জৰ পদক, অংকিতা গগৈয়ে দুটা ইভেণ্টত ব্ৰঞ্জ পদক,মণিকৰ্ণিকা গগৈ ব্ৰঞ্জৰ পদক,ভাস্বতী গগৈয়ে ব্ৰঞ্জৰ পদক, দেৱাশীষ ফুকনে ব্ৰঞ্জৰ পদক পাবলৈ সক্ষম হয়।
আজি অনুষ্ঠানত অসম কুডু সন্থাৰ তৰফৰ পৰা অংশগ্ৰহণ কৰা খেলুৱৈ সকলক সম্বৰ্ধনা জনোৱা হয়।উক্ত অনুষ্ঠানত অসম কুডু সন্থাৰ সভাপতি নয়নমণি গগৈ আৰু সম্পাদক মুচেংফা গগৈয়ে কুডু খেলৰ ওপৰত লগতে এই খেলৰ জৰিয়তে যুৱ প্ৰজন্মই কিদৰে নিজৰ প্ৰতিভা বিকাশ কৰি নিজৰ ভৱিষ্যত উজ্জ্বল কৰিব পাৰে তাৰ ওপৰত বক্তব্য আগবঢ়ায়।