আজি ২৫ ফেব্ৰুৱাৰী বৃহস্পতিবাৰে কেইবাটাও কাৰ্যসূচী হাতত লৈ অসমত উপস্থিত হোৱা গৃহমন্ত্ৰী অমিত শ্বাহে বটদ্ৰৱাত এক জনসভা সম্বোধন কৰি ৰাজ্যৰ বিজেপি চৰকাৰখনৰ প্ৰশংসাত মছগুল হৈ পৰে ।
বিশাল জনসভাখনত শ্বাহে কয় যে ‘ আমি বহুত কাম কৰিছো কিন্তু এটা কাম কৰিব বাকী আছে। অসমক মোদীয়ে বানপানী মুক্ত কৰিব বিচাৰে। অসমে প্ৰতিবছৰে বানৰ সংকটত ভুগিবলগীয়া হয় আৰু প্ৰতিবছৰে লাখ লাখ লোকে নিজৰ থকা স্থান এৰি অন্য স্থানলৈ যাবলগীয়া হয়। চেটেলাইটৰ মাধ্যমেৰে বিগত চাৰি বছৰৰ ছবি লোৱা হৈছে, আৰু এনে কিছুমান ঠাই বিছৰা হৈছে যৰ পৰা পানীক অন্যস্থানলৈ গতি কৰাই ডাঙৰ ডাঙৰ পুখুৰী বনোৱা হ’ব । মই আজি অসমৰ জনতাক কবলৈ আহিছো এবাৰ বিজেপি চৰকাৰ গঠন কৰি দিয়ক আৰু আগন্তুক ৫ বছৰত অসমৰ বানপানী মুক্ত কৰি দিম” ।