ক’ৰোনা মহামাৰীৰ যুদ্ধত পুৱ গুৱাহাটী সমষ্টিৰ বাসিন্দাৰ সহযোগিতা । মুখ্যমন্ত্ৰী সাহৰ্য্য পুজিলৈ মন্ত্ৰী সিদ্ধাৰ্থ ভট্টাচাৰ্যই আগবঢ়ালে চেক ।
দৈনন্দিন বাৰ্তা ডেস্ক:
বিশ্বসন্ত্ৰাস সৃষ্টি কাৰি কৰোনা ভাইৰাছে দেশৰ লগতে অসমতো এক আতংকৰ পৰিবেশ সৃষ্টি কৰিছে৷ ইয়াৰ বাবেই ৰাজ্য চৰকাৰ তথা স্বাস্থ্য বিভাগে দিন-ৰাতি একাকাৰ কৰি প্ৰতিৰোধ কৰাৰ ক্ষেত্ৰত যঠেষ্ট অগ্ৰনী ভুমিকা গ্ৰহণ কৰিছে ৷ তথাপি এচাম জনসাধাৰণে চৰকাৰে দিয়া নীতি নিয়ম মানিবলৈ অপাৰগ ৷ সেইবাবেই প্ৰতিটো দিনত কৰোনা আক্ৰান্তৰ সংখ্যা বৃদ্ধি পোৱা পৰিলক্ষিত হৈছে ৷ চলিত সপ্তাহত মহানগৰীত অভাবনীয় ভাবে বৃদ্ধি পাইছে কভিড ১৯ আক্ৰান্তৰ সংখ্যা৷ গণ সংক্ৰমণে ব্যাপক ৰুপ ধাৰণ কৰিছে মহানগৰীৰ বিভিন্ন অঞ্চলত৷ ইতিমধ্যে মহানগৰ প্ৰশাসনে তথা ৰাজ্যচৰকাৰে ১৪ দিনৰ বাবেই গুৱাহাটীত সম্পূৰ্ণ লকডাউন ঘোষণা কৰিছে ৷ তৎস্বত্বেও এচাম জনসাধাৰণ সচেতনতাৰ অভাব বাৰুকৈয়ে দেখিবলৈ পোৱা গৈছে ৷ ইয়াৰ সমান্তৰালভাৱে এচাম সচেতন নাগৰিকে নিজে সম্পূৰ্ণ চৰকাৰী নীতিনিয়ম পালন কৰাৰ লগতে কৰোনা যুদ্ধৰ সমাভাগী হবলৈ আগ্ৰহ প্ৰকাশ কৰা দেখা গৈছে৷ মহানগৰীৰ পূৱ গুৱাহাটী সমষ্টিৰ অমিত কলিতা আৰু টেনেমেন্টছ নামৰ ব্যৱসায় প্ৰতিষ্ঠান খনৰ তৰফৰ পৰা সমষ্টিৰ বিধায়ক তথা মন্ত্ৰী সিদ্ধাৰ্থ ভট্টাচাৰ্যৰ হাতত চৰকাৰলৈ চেক যোগে ধন আগবঢ়ায়৷ এই ক্ষেত্ৰত গুৱাহাটী উন্নয়ন মন্ত্ৰী তথা পূৱ গুৱাহাটী সমষ্টিৰ বিধায়ক সিদ্ধাৰ্থ ভট্টাচাৰ্যই বৃহস্পতিবাৰে মুখ্যমন্ত্ৰী সৰ্বানন্দ সোনোৱালৰ হাতত চেক প্ৰদান কৰে৷ উল্লেখ্য যে অনুষ্ঠানত মুখ্যমন্ত্ৰীৰ ও’ এছ ’ ডি ৰঞ্জিত মজুমদাৰ উপস্থিত থাকে৷