অন্ধবিশ্বাস, কুসংস্কাৰৰ বিৰুদ্ধে দেৰগাঁও উচ্চতৰ মাধ্যমিক বিদ্যালয়ত সজাগতা সভা

গোলঘাট জিলাৰ উত্তৰ উন্নয়ন খণ্ডৰ আৰ্য্যভট্ট কেন্দ্ৰৰ উদ্যোগত দেৰগাঁও উচ্চতৰ মাধ্যমিক বিদ্যালয়ৰ প্ৰাংগনত অন্ধবিশ্বাস আৰু কু সংস্কাৰৰ বিৰুদ্ধে এখনি সজাগতা সভা অনুষ্ঠিত হয়। আৰ্যভট্ৰ কেন্দ্ৰ গোলাঘাট জিলাৰ সমন্বয়ক ইমদাদ আলিৰ সভাপতিত্বত অনুষ্ঠিত হোৱা সভাখনিৰ উদ্দেশ্যে ব্যাখ্যা দাঙি ধৰে আৰ্যভট্ৰ কেন্দ্ৰ গোলাঘাট উত্তৰ উন্নয়ন খণ্ডৰ সনন্বয়ক ৰিতা শৰ্মা বেজবৰুৱাই। শিক্ষক দিগন্ত নাথে আঁত ধৰা অনুষ্ঠানটিত সমাজকৰ্মী সূৰ্য মোহন হাজৰিকা আৰু শিক্ষয়িত্ৰী নিৰু বৰুৱা নিদিষ্ট বক্তা হিছাপে উপস্থিত থাকি বৰ্তমানেও বহু সমাজত প্ৰচলিত হৈ থকা বিভিন্ন কু সংস্কাৰ আৰু অন্ধবিশ্বাসৰ ওপৰত তথ্যভিত্তিক পৰ্যালোচনা কৰি ভাষন আগবঢ়াই।দেৰগাঁৱৰ বিভিন্ন অঞ্চলৰ শতাধিক লোক উপস্থিত থকা অনুষ্ঠানটিত আৰ্যভট্ৰ বিজ্ঞান কেন্দ্ৰ গোলাঘাট উত্তৰ উন্নয়ন খণ্ডৰ সমন্বয়ক ৰিতা শৰ্মা বেজবৰুৱাই কু সংস্কাৰ আৰু অন্ধবিশ্বাসৰ প্ৰভাৱ আৰু বিজ্ঞানৰ প্ৰয়োজনীয়তাৰ ওপৰত বিশ্লেষণাত্মক মন্তব্য আগবঢ়াই।অনুষ্ঠানটিত উপস্থিত থকা মুস্তাফিজুৰ ৰহমানকে ধৰি বহু কেইজন ব্যক্তিয়ে নিজৰ জীৱনত কি দৰে অন্ধবিশ্বাস আৰু কুসংস্কাৰৰ কবলত পৰিব লগা হৈছিল সেই অভিজ্ঞতাৰ কথা প্ৰকাশ কৰি সকলোকে ইয়াৰ পৰা দুৰৈত থাকিবলৈ আহ্বান জনাই। উল্লেখ্য যে অসম চৰকাৰৰ অসম বিজ্ঞান প্ৰযুক্তিবিদ্যা আৰু পৰিবেশ পৰিষদ, বিজ্ঞান আৰু প্ৰযুক্তিবিদ্যা বিভাগৰ অন্তৰ্গত গোলাঘাট জিলা আৰ্যভট্ৰ বিজ্ঞান কেন্দ্ৰ উত্তৰ উন্নয়ন খণ্ডই দেৰগাঁৱৰ বিভিন্ন স্থানত সংস্কাৰঃ মানুহে মানুহৰ বাবে শীৰ্ষক বিভিন্ন স্থানত অন্ধবিশ্বাস আৰু কু সংস্কাৰৰ বিৰুদ্ধে সজাগতা অভিযান অনুষ্ঠিত কৰি আহিছে।