দক্ষিণ শালমাৰা মানকাচৰ জিলা প্ৰাধিকাৰী আইন সেৱাৰ উদ্যোগত দক্ষিণ শালমাৰাৰ পাটাকাটাৰ মহুৰীৰচৰ উচ্চতৰ মাধ্যমিক বিদ্যালয়ত সমাজৰ প্ৰান্তীয় খণ্ডৰ অধিকাৰ সন্দৰ্ভত এক সজাগতামূলক সভাৰ আয়োজন কৰা হয়। উক্ত সজাগতামূলক সভাত মুখ্য অতিথি হিচাপে উপস্থিত আছিল দক্ষিণ শালমাৰা মানকাচৰ জিলা প্ৰাধিকাৰী আইন সেৱাৰ সচিব জয়ন্ত কুমাৰ শইকীয়া ,বিশিষ্ট অতিথি হিচাপে উপস্থিত আছিল দক্ষিণ শালমাৰা থানাৰ ভাৰপ্ৰাপ্ত আৰক্ষী বিষয়া তিলক চন্দ্ৰ ৰায় লগতে উপস্থিত আছিল কেইবাজনো গাওঁপ্ৰধান , শিক্ষক-শিক্ষয়িত্ৰী আৰু বিভিন্ন স্কুলৰ ছাত্ৰ-ছাত্ৰী।
উল্লেখ্য যে আজিৰ সজাগতামূলক সভাত জিলা প্ৰাধিকাৰী আইন সেৱাৰ সচিব জয়ন্ত কুমাৰ শইকীয়াই ছাত্ৰ-ছাত্ৰী সকলোক উদ্দেশ্য কৰি বাল্যবিৱাহ, নিচাজাতীয় দ্ৰব্য সেৱন কৰা আৰু বিভিন্ন ধৰণৰ অনৈতিক কামত জৰিত থকাৰ ফলত ছাত্ৰ-ছাত্ৰীৰ জীৱনত কেনেধৰনৰ বেয়া প্ৰভাৱ পৰে তাৰ ওপৰত গুৰুত্বপূৰ্ণ ভাষণ আগবঢ়ায় ।
লক্ষণীয় যে দক্ষিণ শালমাৰা থানাৰ ভাৰপ্ৰাপ্ত আৰক্ষী তিলক চন্দ্ৰ ৰায়ে বাল্য বিবাহ সন্দৰ্ভত গুৰুত্বপূৰ্ণ সজাগতামূলক ভাষণ আগবঢ়ায়।
