কুসুমটোলাৰ বিশিষ্ট সমাজ কৰ্মী,দুখীয়াৰ পৰম বন্ধু খ্যাত বাবুল নেওগঁৰ দেহাৱসান। বন্ধ ৰখা হ’ল কুসুমটোলা ব্যৱসায়িক প্ৰতিষ্ঠান।
জামুগুৰিহাট : জামুগুৰিহাটৰ কুসুমটোলাৰ বিশিষ্ট সমাজ কৰ্মী, প্ৰতিষ্ঠিত ব্যৱসায়ী বাবুল নেওগঁৰ তেজপুৰৰ টাইমছ হস্পিতালত মৃত্যু ঘটে ।মৃত্যুৰ সময়ত তেখেতৰ বয়স হৈছিল ৬৯ বছৰ ।১৯৫২ চনত জন্ম গ্ৰহণ কৰা নেওগেঁ জীৱন যুঁজত বহুতো ঘাট প্ৰতিঘাটৰ মাজেদি আগবাঢ়ি নিজকে প্ৰতিষ্ঠা কৰাৰ লগতে আধুনিক কুসুমটোলা নিৰ্মানত গুৰুত্বপূৰ্ণ ভূমিকা পালন কৰিছিল ।দুখীয়াৰ পৰম বন্ধু বুলি অঞ্চলটোত পৰিচিত নেওগঁ কিছুদিন ধৰি শাৰীৰিক অসুস্থতাত ভুগি থকাত পৰিয়ালৰ লোক ১২ জুলাইত টাইমছ হস্পিতালত ভৰ্তি কৰিছিল যদিও অৱশেষত তেওঁ নিয়তিৰ ওচৰত হাৰ মানিবলৈ বাধ্য হয়।তেখেতৰ মৃতুৰ প্ৰতি সন্মান জনাই আজি দিনটোৰ বাবে কুসুমটোলা ব্যৱসায়িক প্ৰতিষ্ঠান সম্পূৰ্ণ ৰূপে বন্ধ ৰাখে কুসুমটোলা ব্যৱসায়ি সন্হাই ।মৃত্যুৰ সময়ত নেওগেঁ পত্নী ,দুই পুত্ৰ, জীয়ৰী সহ অনেক গুণমুগ্ধক ইহসংসাৰত এৰি থৈ যায়।