বিয়াত এখন ধুনীয়া শাৰী বা ডিজাইনাৰ লেহেংগা পিন্ধিবলৈ সকলোৰে মন যায়। এটা বেকলেছ ব্লাউজে যিকোনো সাজ-পোছাকক অধিক ধুনীয়া কৰি তোলে আৰু পিঠিখন যদি দাগমুক্ত নহয় তেন্তে বেকলেছ ব্লাউজ পিন্ধিলে ভাল দেখা নাযায়। গতিকে এতিয়াৰ পৰা পিঠিৰ যত্ন ল’ব।(Backless Outfits)
একৰঙী শাৰীৰে সৈতে বেকলেছ ডিজাইনাৰ ব্লাউজ পিন্ধা তমন্নাহ ভাটিয়াৰ পৰা ৰশ্মিকা মণ্ডনালৈকে অভিনেত্ৰীক বেছিভাগ অনুষ্ঠানত দেখা যায়। অভিনেত্ৰী আৰু যুৱতীসকলেও আজিকালি বেকলেছ ব্লাউজৰ ডিজাইনৰ প্ৰতি অধিক আকৰ্ষিত। বৰ্তমান বিয়াৰ বতৰ চলি আছে। আপুনিও বেকলেছ ব্লাউজ পিন্ধিবলৈ ভাবিছে নেকি? তেনে ক্ষেত্ৰত কেৱল মুখখনেই নহয়, বিয়াৰ আগতে হাত-ভৰিৰো যত্ন ল’ব লাগে আৰু অৱশ্যেই আটাইতকৈ অৱহেলিত অংশটো হৈছে পিঠিখন। পিঠিখন যদি দাগমুক্ত নহয় তেন্তে বেকলেছ ব্লাউজ পিন্ধিলেও ভাল দেখা নাযায়। গতিকে এতিয়াৰ পৰা পিঠিৰ যত্ন ল’ব –
১) দৈনিক ধূলি, মলি, তেল জমা হৈ পিঠিখন ক’লা হৈ পৰে। প্ৰতিদিনে গা ধোৱাৰ সময়ত লুফাৰে গোটেই শৰীৰ পৰিষ্কাৰ কৰা সম্ভৱ হ’লেও গোটেই পিঠিখন পোৱা নাযায়। দীঘল ব্ৰাছবোৰে পিঠিৰ তলৰ অংশ সহজে পায়। ই মৰা ছাল আঁতৰাই পেলাব আৰু পিঠি পৰিষ্কাৰ হ’ব।
২)প্ৰতিদিনে নিয়মিতভাৱে এটা ভাল বডি লোচন লগাব লাগে। গোটেই শৰীৰত লগালেও বহুতে পিঠিত লগাব নোৱাৰে। গোটেই পিঠিখন লোচনেৰে মালিচ কৰিব।
৩) কেতিয়াবা টেন ৰিমুভেল ট্ৰিটমেণ্টৰ বাবে চেলুনলৈ যাব পাৰি। ইয়াৰ লগতে স্ক্ৰাবিংৰো প্ৰয়োজন হয়। অকল পিঠিৰ যত্ন লোৱাটো কঠিন। গতিকে পিছফালৰ ছালখন পাতল কৰিবলৈ কিছুমান পাৰ্লাৰ সহায় কৰিব লাগিব।
৪) কিছুমান মানুহৰ পিঠিত দাগ থাকে। প্ৰায়ে ছালৰ সমস্যাৰ বাবেই হয়। প্ৰয়োজন হ’লে ছালৰ বিশেষজ্ঞৰ ওচৰলৈ যাব। ডাক্টৰৰ পৰামৰ্শ অনুসৰি পিঠিখন সাৱধানে সুন্দৰ কৰিব পাৰি।
৫) ঘৰতে পেক বনাই পিঠিৰ যত্ন লব পাৰে। নিয়মিতভাৱে স্ক্ৰাবিং কৰিব লাগে। ১ কাপ চেনি আৰু ১ চামুচ নেমুৰ ৰস আৰু ৬ চামুচ আলমণ্ড অইল বা অলিভ অইল মিহলাই লওক। এই স্ক্ৰাবটো পিঠিত লগাব পাৰে। অথবা সমান পৰিমাণৰ নেমুৰ ৰস আৰু কফি পাউদাৰ মিহলাই ৩-৪ চামুচ মৌ মিহলাই পিঠিত মালিচ কৰি লগালে ছালৰ সৌন্দৰ্য ঘূৰাই পাব।