কাৰ কাৰ প্ৰিয় খাদ্য বীট? হয়তো বহুতৰে প্ৰিয় বীট। বীটত থাকে পুষ্টিকৰ উপাদান। বীটৰ উপকাৰিতাৰ বিষয়ে জানো আহক-
বীট প্ৰাকৃতিক খাদ্য ৰং হিচাপে ব্যৱহাৰ কৰা হয়। কৃত্ৰিম ৰঙৰ সৈতে অহা সম্ভাৱ্য স্বাস্থ্যজনিত বিপদৰ পৰা বীৰ ৰঙা-বেঙুনীয়া ৰঙে সকাহ দিয়ে।
বীটত ফাইবাৰ পোৱা যায়, যিটো পাচন স্বাস্থ্য আৰু ভোক নিয়ন্ত্ৰণৰ বাবে অতি উত্তম। ইয়াৰ উপৰিও বীটত পটাছিয়াম, ফ’লেট, বিটা কেৰটিন আদিৰে ভৰপূৰ।
আনহাতে বীটৰ ৰসে ৰক্তচাপ যথেষ্ট উন্নত কৰাত সহায় কৰে। আনহাতে বীটত থকা নাইট্ৰেটৰ সৈতে খাদ্য পৰিপূৰক হিচাপে ল’লে হৃদযন্ত্ৰৰ স্বাস্থ্যৰ সমৰ্থনত সহায়ক হ’ব পাৰে।
যদি শৰীৰত তেজৰ অভাৱ হয়, তেনেহ’লে খাদ্যত বীট অন্তৰ্ভুক্ত কৰিব লাগে। খাদ্যত বীট অন্তৰ্ভুক্তিয়ে এই সমস্যা সমাধান কৰে। যদি আপুনি বীটৰ টুকুৰা খাব নিবিচাৰে, তেন্তে আপুনি বীটৰ ৰসো খাব পাৰে।
বীটত থকা ভিটামিন চি আৰু এণ্টি-অক্সিডেণ্ট আমাৰ শৰীৰৰ বাবে অতি গুৰুত্বপূৰ্ণ। বীট খালে কেৱল আভ্যন্তৰীণ লাভালাভেই নহয়, ইয়াৰ বাহ্যিক লাভালাভো আছে। বীট গ্ৰহণ কৰিলে ছালৰ বিভিন্ন সমস্যা আঁতৰ হয়। ফলত আপুনি এখন সুন্দৰ ছালৰ অধিকাৰী হ’ব পাৰে।