দৰঙৰ ভেৰুৱাৰ ভাস্কৰ কলিতা নামৰ যুৱকজনৰ দুয়োটা বৃক্ক বিকল ৷ অসমৰ ৰাইজৰ সহায় ভিক্ষা পত্নীৰ ৷

দৰঙৰ পৰা জয়দেৱ ডেকা ৷

দৰঙৰ এটা পৰিয়ালৈ নামি আহিছে কাল ধুমুহা ৷ দুটা বৃক্ক বিকল হৈ বিছনাত শৰ্যাশায়ী এজন যুৱক ৷ চিকিৎসাৰ বাবে প্ৰয়োজন ২৫ লাখ টকা ৷ নাম ভাস্কৰ কলিতা ৷ ছিপাঝাৰ সমষ্টিৰ ভেৰুৱাৰ ৩৩ বছৰীয়া যুৱক বিছনাত মৃত্যুৰ সৈতে চৎফতাই আছে চিকিৎসাৰ অভাৱত ৷ পত্নী আৰু ৫ বছৰীয়া পুত্ৰৰ সৈতে জীৱন নিৰ্বাহ কৰা ভাস্কৰ কলিতাৰ দুয়োটা বৃক্ক বিকল হোৱাত সৰগ ভাঙি পৰিছে পত্নীৰ ৷ লকডাউনৰ সময়তে হঠাৎ অসুস্থ হৈ পৰাত গুৱাহাটী জি এন আৰ চি হস্পিতালত ভৰ্ত্তি কৰিছিল যদিও পৰিক্ষাৰ অন্তত দুয়োটা বৃক্ক বিকল হোৱাৰ কথা চিকিৎসকে জানিব দিয়ে পৰিয়ালক ৷ চিকিৎসাৰ বাবে ধনৰ অভাৱত মাত্ৰ দুদিন চিকিৎসালয়ত চিকিৎসা কৰিয়ে ঘৰলৈ ঘুৰাই আনিবলগীয়া হৈছিল ভাস্কৰ কলিতাক ৷ ভেৰুৱাৰ কেইজনমান যুৱকে কিছু আৰ্থিক ভাৱে সহায় কৰিছে যদিও সেয়া পৰ্যাপ্ত নহয় ৷ দুখৰ বিষয় ঘৰৰ ভেটিতোৰ বাহিৰে অলপো খেতি মাটি নথকা পৰিয়ালতোৱে প্ৰতিমাহে কিনিৱ লাগে চাউল ৷ অন্ন সুৰক্ষা আঁচনিৰ কাৰ্ড এখন পাৱলৈ সক্ষম হৈছিল যদিও দৰং জিলা খাদ্য আৰু অসামৰিক যোগান বিভাগৰ বিষয়াই কাৰ্ডখনৰ পৰাও বঞ্চিত কৰিলে ৷ স্থানীয় বিধায়কৰ ভুমিকাও সন্দেহজনক ৷ চৰকাৰৰ কোনো আঁচনিয়ে ঢুকি নোপোৱা পৰিয়ালতোৱে এতিয়া অসমৰ ৰাইজৰ পৰা বিছাৰিছে সহায় ভিক্ষা ৷ ভাস্কৰ কলিতাৰ পত্নীৰ কাতৰ আহব্বান ৷ মোক আপোনালোকে স্বামীৰ সৈতে জীয়াই থাকিবলৈ দিয়ক ৷ মোৰ ৫ বছৰীয়া পুত্ৰক আপোনালোকে অকনমাণ মৰম কৰক ৷ যদিহে আপুনি এই পৰিয়ালতোক সহায় কৰি যুৱকজনক জীয়াই থকাত সহায় কৰে ৷ তেনেহলে  গ্ৰামীণ বিকাশ বেংক দুনী শাখাত থকা পত্নীৰ 7065026017919 একাউণ্ট নম্বৰত দিব পাৰিব ৷ IFSC Code—- UTBIORRBAGB । আপোনাৰ অলপমান সহায়ে হয়তো জীৱন ৰক্ষা পৰিব ভাস্কৰ কলিতা নামৰ যুৱকজনৰ ৷