ৰাম মন্দিৰ প্ৰাণ প্ৰতিষ্ঠা অনুষ্ঠানত উপস্থিত নাথাকে বিজেপিৰ সভাপতি জে পি নাড্ডা ৷ বিজেপিৰ সভাপতিগৰাকীয়ে অযোধ্যাৰ ৰাম মন্দিৰৰ অভিষেক অনুষ্ঠান এৰি তাৰ পৰিৱৰ্তে ইয়াৰ ঝাণ্ডেৱালান মন্দিৰৰ পৰা এই ঐতিহাসিক অনুষ্ঠানটো উপভোগ কৰিব বুলি জানিব পৰা গৈছে। শনিবাৰে X ৰ এটা পোষ্টত নড্ডাই মন্দিৰ নিৰ্মাণ আৰু পৰিচালনাৰ দায়িত্বত থকা শ্ৰী ৰাম জন্মভূমি তীৰ্থ ক্ষেত্ৰ ন্যাসক ২২ জানুৱাৰীত অনুষ্ঠিত হ’বলগীয়া “প্ৰাণ প্ৰতিষ্ঠা” অনুষ্ঠানলৈ তেওঁক আমন্ত্ৰণ জনোৱাৰ বাবে ধন্যবাদ জ্ঞাপন কৰে। ৫০০ বছৰীয়া সংগ্ৰামৰ অন্তত এই মন্দিৰটো নিৰ্মাণ কৰা হৈছে বুলি উল্লেখ কৰি কয় যে ২২ জানুৱাৰীৰ পাছত পৰিয়ালৰ সৈতে মন্দিৰ দৰ্শনৰ বাবে যাব।
উল্লেখ্য যে কেন্দ্ৰীয় মন্ত্ৰী অমিত শ্বাহ আৰু ৰাজনাথ সিঙকে ধৰি কেইবাজনো বিজেপি নেতাক আমন্ত্ৰণ জনোৱা হৈছে য’ত প্ৰধানমন্ত্ৰী নৰেন্দ্ৰ মোদীৰ উপস্থিত থাকিব। মন্দিৰ ট্ৰাষ্টে সকলো গুৰুত্বপূৰ্ণ দলৰ মূল নেতা আৰু বেছিভাগে দলৰ সভাপতিক আমন্ত্ৰণ জনাইছে।ইপিনে এই অনুষ্ঠানলৈ আমন্ত্ৰিত প্ৰায় সকলো বিৰোধী নেতাই এই অনুষ্ঠানত উপস্থিত থাকিবলৈ অস্বীকাৰ কৰিছে, কংগ্ৰেছে ইয়াক বিজেপি-আৰএছএছৰ অনুষ্ঠান বুলি অভিহিত কৰিছে।