প্ৰধানমন্ত্ৰী নৰেন্দ্ৰ মোডীৰ জন্ম দিন উপলক্ষে নগাঁৱত ৰক্তদান শিবিৰ ৷ ৰক্তদান শিবিৰ উদ্বোধন বিধায়ক ৰূপক শৰ্মাৰ
নগাঁও : ভাৰতৰ প্ৰধানমন্ত্ৰী নৰেন্দ্ৰ মোদীৰ ৭০ সংখ্যক জন্ম বাৰ্ষিকী উপলক্ষে সমগ্ৰ দেশজুৰি আজিৰে পৰা আৰম্ভ হোৱা ৰক্তদান শিবিৰ নগাঁও জিলাটো ভাৰতীয় জনতা যুৱ মৰ্চা নগাঁও ,হোজাই, কলিয়াবৰ আৰু কাৰ্বি আংলং জিলাৰ উদ্যোগত আজি দিনৰ ১১ বজাৰ পৰা নগাঁও ছোৱালী মহাবিদ্যালয়ত আয়োজন কৰা হয়। উক্ত ৰক্তদান শিবিৰ শুভ উদ্বোধন কৰে নগাঁও সদৰ সমষ্টিৰ বিধায়ক ৰূপক শৰ্মাই ৷ এই ৰক্তদান শিবিৰত প্ৰায় পয়সত্তৰ জন ব্যক্তিয়ে স্বইচ্ছাই ৰক্ত দান কৰে ৷ শিবিৰত ভাৰতীয় জনতা যুৱ মৰ্চাৰ নগাঁও,হোজাই,কলিয়াবৰ,কাৰ্বি আংলং জিলাৰ সদস্য সকল উপস্থিত থাকে ৷