আব্দুল হাকিম
হোজাই ডবকাত সামান্য কথাতেই সংঘটিত হয় চাঞ্চল্যকৰ ঘটনা৷ সামান্য কাজিয়াতেই ৰক্তাক্ত পৰিবেশ সৃষ্টি হয় ডবকাৰ মিকিৰআটি গুটিগাঁৱত৷তিনি ফৈদৰ মাজত লাঠিৰে প্ৰচণ্ড মাৰপিটৰ ফলত মহিলাসহ ৫ জন গুৰুতৰভাৱে আহত৷ আহত গনেশ দাস, সবিতা দাস, প্ৰসঞ্জিত দাস, মাম্পী দাস আৰু মৰন দেৱনাথ৷ জানিব পৰা মতে বিজু বিশ্বাস আৰু সবিতা বিশ্বাসৰ মাজত দীৰ্ঘদিনীয়া পৈতৃক সম্পত্তি লৈ সংঘাত চলি আছিল৷দুয়োজন ভাই-ভনী সম্পৰ্ক৷ তাৰ মাজতেই যোৱা নিশা বিদ্যুত সংযোগক লৈ দুয়োটা পৰিয়ালৰ মাজাত কাজিয়াৰ সৃষ্টি হয়৷ ঘৰৰ লগতে বসবাস কৰা মৰন দেৱ নাথ নামৰ লোকজনক কাজিয়াৰ কথা খবৰ দিয়ে বিজু বিশ্বাসৰ আন এক ভিন্টীয়ে৷ মৰন দেৱনাথে কাজিয়া মীমংসা কৰাৰ কথা কোৱাৰ পিছতেই মৰন দেৱ নাথসহ তিনিওটা পৰিয়ালৰ মাজত প্ৰচণ্ড মাৰপিট সংঘটিত হৈ ৰক্তাক্ত হৈ পৰে৷ তিনিওটা পক্ষই পৃথকে পৃথকে গোচৰ তৰিছে ডবকা আৰক্ষী থানাত৷ ডবকা আৰক্ষীয়ে ঘটনা সংক্ৰান্তত আৰম্ভ কৰিছে তদন্ত৷