সাংবাদিকক পিপিই কিট, মাস্ক, ছেনিটাইজাৰ বিতৰণ বোকাজান আৰক্ষীৰ

0 104

বোকাজান

 বোকাজান মহকুমাৰ খটখতি আৰক্ষী থানাত সোমবাৰে সন্ধিয়া আৰক্ষী আৰু মহকুমাটোৰ সাংবাদিকসকলৰ মাজত ক’ভিড-১৯ ক লৈ এক সজাগতামূলক আলোচনা চক্ৰ অনুষ্ঠিত হয়৷ এই আলোচনা চক্ৰতে ক’ভিড-১৯ ক ৰোধৰ ক্ষেত্ৰত বোকাজানত আৰক্ষীয়ে গ্ৰহণ কৰা ব্যৱস্থা আৰু অনাগত সময়ত বৰ্হিৰাজ্যৰ পৰা ৰে’লেৰে বোকাজান মহকুমালৈ আহিব লগীয়া প্ৰায় ১৪০০ লোকৰ তথ্য প্ৰকাশ কৰে আৰু তাৰে ৮০০ লোকক ৰখাৰ বাবে দায়নন্দ সৰস্বতী, সৰিয়হজান আৰু দেওপানীত কোৱাৰেণ্টাইন গৃহৰ লগতে তেওঁলোকক কৰিব লগীয়া চিকিৎসা ব্যৱস্থাৰ বিষয়ে বোকাজান মহকুমা আৰক্ষী বিষয়া জ’ন দাস আৰু খটখতি থানাৰ আৰক্ষী বিষয়া মবলিক ব্ৰহ্মই সাংবাদিকক সদৰি কৰে। আৰক্ষীয়ে অঞ্চলটোত ক’ভিড-১৯ৰ সজাগতা প্ৰচাৰ ক্ষেত্ৰত সকলো সাংবাদিককে সহায় সহযোগ আহ্বান কৰি মহকুমাটোৰ সাংবাদিকক পিপিই কিট, ছেনিটাইজাৰ, উন্নত মানৰ মাস্ক প্ৰদান কৰে৷