Breaking

বিতৰ্কৰ কেন্দ্ৰবিন্দু বলীউড : কাশ্মীৰী বিচ্ছিন্নতাবাদীৰ সৈতে শ্বাহৰুখ খানৰ ফটো

0 1,156

দৈনন্দিন বাৰ্তা ডেস্ক :

 পাকিস্তানৰ গুপ্তচৰ সংস্থা আইএছআইৰ সৈতে বলীউডৰ সম্পৰ্ক আছে বুলি দাবী কৰিছে বিজেপিয়ে৷ ইয়াৰ পাছতে দেশত নতুন বিতৰ্কৰ সৃষ্টি হৈছে৷ বলীউডৰ তাৰকাই ভাৰত বিৰোধী শক্তিৰ লগত ফটোত উঠিছে, যিটো ছচিয়েল মিডিয়াত দেখিবলৈ পোৱা গৈছে৷ শ্বাহৰুখ খান আৰু তেওঁৰ পত্নী গৌৰী খান কেলিফৰ্ণিয়াস্থিত কাশ্মীৰী বিচ্ছিন্নতাবাদী টনী আজহাইৰ লগত ফটো উঠাত বলীউড বিতৰ্কৰ কেন্দ্ৰবিন্দু হৈ পৰিছে৷ এই কাশ্মীৰী বিচ্ছিন্নতাবাদী টনী আজহাইয়ে কাশ্মীৰৰ যুৱকক ভাৰতৰ বিৰুদ্ধে যুঁজ কৰিবলৈ আহ্বান জনাই আহিছে৷ শ্ৰীনগৰ ভিত্তিক জনপ্ৰিয় কৰ্মী, যি আল ইস্কান্দাৰ নাম অনুকৰণ কৰি দ্যস্কেন্দাৰে টুইটাৰত প’ষ্ট কৰি দাবী কৰে যে টনী আজহাই, যি আজিজ আজহাই নামেৰে পৰিচিত, তেওঁ আইএছআইৰ পৃষ্ঠপোষকতাৰ সন্ত্ৰাসবাদী সংগঠন জম্মু আৰু কাশ্মীৰ লিবাৰেচন ফ্ৰণ্ট (জেকেএলএফ)ৰ সদস্য আছিল৷ টনী আজহায়ে কয় যে শ্বাহৰুখ খানৰ ডুবাই ভৱন আৰু লছ এঞ্জেলছৰ এপাৰ্টমেণ্টৰ নক্সা কৰি তেওঁ দিছিল৷ শ্ৰীনগৰৰ কৰ্মীজনৰ মতে বলীউডৰ ছুপাৰষ্টাৰে আজহাইক এজন স্থাপত্যবিদ হিচাপে নিয়োগ কৰিছে৷ তেওঁ দাবী কৰে যে খানৰ পত্নী গৌৰী বিচ্ছিন্নতাবাদী আজহাইৰ বহু প্ৰকল্পত জড়িত৷ আল ইস্কান্দাৰে কয় যে টনী আজহায়ে বলীউডত প্ৰভাৱ খটুৱাবৰ বাবে এটা এটাকৈ পৰিকল্পনা কৰিছে৷ তেওঁ কয় যে শ্বাহৰুখ খান এজন দেশপ্ৰেমীক ব্যক্তি যদিও টনী আজহাইৰ পৰিকল্পনাৰ সম্পৰ্কে সচেতন নহয়৷

Leave A Reply