নগাঁও : নগাঁও আৰু মৰিগাঁও অঞ্চলৰ বিস্তীৰ্ণ অঞ্চলত পুনৰ লুইতৰ বানে বুৰাই পেলোৱাৰ আশংকাই বৰ্তমান আতংকিত কৰিছে জিলা দুখনৰ নৈ-পৰীয়া ৰাইজক। বিশেষকৈ নগাঁও জিলাৰ নৈপৰীয়া ৰাইজক লুইতৰ বানৰ পৰা ৰক্ষা কৰিবলৈ নিৰ্মান কৰা শিলঘাট-ধিং মথাউৰিৰ সঠিক মেৰামতি নোহোৱাৰ ফলতেই পুনৰ ২০১২বৰ্ষৰ দৰে ভয়ংকৰ বানৰ পুনৰাবৃত্তি হোৱাৰ আশংকাই দেখা গৈছে। উল্লেখযোগ্য যে ২০১২ বৰ্ষত শিলঘাট-ধিং মথাউৰিৰে পানী বাগৰাৰ ফলতে নগাঁও জিলাৰ চামগুৰি, ৰূপহী, জুৰিয়া আদি বিস্তীৰ্ণ অঞ্চল প্লাৱিত হোৱাৰ লগতে ন ন অঞ্চলত বাবে সংহাৰলীলা চলাইছিল। পৰৱৰ্তী সময়ত নগাঁৱৰ ৰাইজৰ সুৰক্ষা কৱচ স্বৰূপ শিলঘাট-ধিং মথাউৰিৰ পুনৰ নিৰ্মাণ কৰা হৈছিল যদিও জলসম্পদ বিভাগৰ একাংশ দুৰ্নীতিগ্ৰস্ত ঠিকাদাৰ আৰু বিষয়াৰ বাবেই বহু আসোঁৱাহ ৰৈ গৈছিল। এইবেলি পুনৰ লুইতৰ পানীয়ে ১৯৯৮ৰ অভিলেখ ভংগ কৰিছে। অৰুণাচল প্ৰদেশ আৰু নাগালেণ্ডত হোৱা মুষলধাৰ বৰষুণৰ ফলতেই লুইতৰ বুকু উফন্দি উঠাৰ লগতে ফেনে-ফুটুকাৰে বাঢ়ি অহা উপনৈ সমূহৰ পানীয়ে লুইতক অধিক সংহাৰী কৰি তুলিছে। ফলত উজনি অসমৰ লগতে কাজিৰঙা ৰাষ্ট্ৰীয় উদ্যানত ভয়াবহ ৰূপ ধাৰণ কৰিছে। নগাঁও জিলাৰ চামগুৰি সমষ্টিৰ ভুৰবন্ধা আৰু লাওখোৱাতো বানে বিস্তীৰ্ণ অঞ্চল বুৰাই পেলাইছে। কিন্তু আটাইতকৈ চিন্তাৰ কাৰণটো হৈছে নগাঁও জিলাৰ হালধিয়াআটি আৰু কলাডোবাত থকা ৰিং বান্ধৰ ওপৰেদি পানী নিগৰিছে। এই বান্ধ দুটা ২০১৭-১৮ আৰু ২০১৮-১৯ বৰ্ষত নিৰ্মান কৰা গৈছিল যদিও বৰ্তমান দুয়োটা বান্ধৰে অৱস্থা শোচনীয়। আনকি জলসম্পদ মন্ত্ৰী কেশৱ মহন্তৰ গৃহ সমষ্টিৰ বৰঘূলিৰ বিস্তীৰ্ণ অঞ্চল ব্ৰহ্মপুত্ৰৰ বানে বুৰাই পেলাইছে। অৱশ্যে বৰ্তমানেও হাতীমূৰা বান্ধ সম্পূৰ্ণ অক্ষত অৱস্থাত আছে। কিন্তু তথাপিও শিলঘাট-ধিং মথাউৰিৰ প্ৰতি সৃষ্টি হোৱা ভাবুকিয়ে নিদ্ৰা হৰিছে নগঁঞা ৰাইজৰ। সেয়ে যদিহে জলসম্পদ বিভাগৰ অমনযোগিতাৰ বাবে পুনৰ শিলঘাট-ধিং মথাউৰিৰ হানি-বিঘিনি ঘটে তেনেহ’লে ২০১২ত কৈও ভয়ংকৰ বানৰ সৃষ্টি হ’ব পাৰে নগাঁৱত।
Breaking
- গুৱাহাটী স্মাৰ্ট চিটী প্ৰকল্প পৰ্যবসিত হৈছে খীৰতী গাইলৈ। ছ বছৰত ৩৬৪ কোটি ব্যয় কৰাৰ পিছতো প্ৰতিফলিত হোৱা নাই উন্নয়নৰ ছবি
- কৃতি চাননৰ ৩২ তম জন্মদিনত সুশান্তৰ সৈতে ৰোমান্টিক ফটো চাওক। আৱেগিক হৈ পৰিল কৃতি চানন
- চৰাইবাহী বৰভগীয়াত ড্ৰাগচ বিৰোধী অভিযানত মিকিৰভেটা আৰক্ষীৰ বৃহৎ সফলতা
- অত্যাৱশ্যকীয় সামগ্ৰীৰ মূল্য বৃদ্ধিৰ বিৰুদ্ধে গোলাঘাট মহকুমা ছাত্ৰ সন্থাৰ উত্তাল প্ৰতিবাদ
- অসমসহ উত্তৰ পূবৰ হজযাত্রা আৰম্ভ , ৩২২ জন হজযাত্ৰী লৈ বিশেষ বিমান যাত্ৰা কৰিলে ছৌদি আৰব অভিমুখে
- বিহু পতাক কেন্দ্ৰ কৰি দৰঙৰ বামুনঝাৰত সংঘাট , প্ৰশাসনৰ মধ্যস্থতাত সংঘাটৰ অৱসান
- দৈনন্দিন বাৰ্তাৰ বাতৰিৰ প্ৰভাৱ, লোক নিৰ্মান বিভাগে আঁতৰালে যমদুত ৰুপী পুল
- কটন বিশ্ববিদ্যালয়ৰ ভূমি সংক্ৰান্তীয় বিষয়ত মুখ্যমন্ত্ৰীৰ হস্তক্ষেপক শিক্ষক সংস্থাৰ আদৰণি…
- ধুবুৰীৰ নিৰুদিষ্ট অনিমা ৰায়ৰ দুমাহে নোলাল সন্ধান…
- কটন বিশ্ববিদ্যালয়ৰ ভূমি সংক্ৰান্তীয় বিষয়ত মুখ্যমন্ত্ৰীৰ হস্তক্ষেপক শিক্ষক সংস্থাৰ আদৰণি…
- খানামুখত সাংবাদিক ৰজত বৈশ্যৰ স্মৃতিচাৰণ সভা সম্পন্ন…
- সাধাৰণ জনতাৰ বাবে সু-খবৰ ! মূল্য হ্ৰাস হ’ব পেট্ৰল-ডিজেলৰ…
- চৰাইদেউৰ সাপেখাতিত নিৰুদ্দেশ দিপালী গগৈ নামৰ এগৰাকী বোৱাৰী
- অসুস্থ বলীউডৰ আইটেম গাৰ্ল ৰাখী সাৱন্ত ! প্ৰাক্তন স্বামী ৰিতেশ সিঙে দিলে ৰাখীৰ স্বাস্থ্য অৱনতিৰ মূল কাৰণ…