নাজিৰাৰ ঐতিহ্যমণ্ডিত প্রাথমিক শিক্ষানুষ্ঠান অসম কোম্পানী নাজিৰা ল’ৰা প্রাথমিক বিদ্যালয়ে ২০১৪ চনতে শত বর্ষ অতিক্রম কৰিছে। সেয়েহে বিদ্যালয়ৰ শিক্ষাগুৰুসকলৰ উদ্যোগত তথা প্রাক্তন ছাত্র আৰু ৰাইজৰ সহযোগত অহা ৯ আৰু ১০ ডিচেম্বৰত দুদিনীয়া বর্ণাঢ্য কাৰ্যসূচীৰে বর্ষযোৰা শত বার্ষিকীৰ আৰম্ভনি অনুষ্ঠান উদযাপন কৰাৰ উদ্দেশ্যেৰে আজি বিদ্যালয় কক্ষত এখনি সাধাৰণ সভা অনস্থিত কৰে। উদযাপন কমিটিৰ সভাপতি দীপংকৰ চক্রবর্তীৰ সভাপতিত্বত অনুষ্ঠিত কৰা উক্ত সভাখনত বিভিন্ন উপসমিতি সমূহ গৃহীত কৰা হয়। লগতে বিদ্যালয়ৰ আন্তঃগাথনি উন্নয়ন শৈক্ষিক দিশৰ উন্নয়ন আদি বিষয়ত আলোচনা কৰা হয়। উক্ত অনুষ্ঠানত সকলো প্রাক্তন ছাত্র তথা ৰাইজৰ সহায় সহযোগিতা , দিহা পৰামৰ্শৰ বাবে আহবান জনায় উদ্যোক্তা কমিটিয়ে ৷
