ভাৰত বাচাও কাৰ্যসূচীৰে গোলাঘাটত কেন্দ্ৰীয় ট্ৰেড ইউনিয়ন আৰু কৰ্মচাৰী ফেডাৰেশ্যনৰ প্ৰতিবাদ

গোলাঘাট : গোলাঘাটত ভাৰত বাচাও কাৰ্যসূচীৰে প্ৰতিবাদ। কেন্দ্ৰীয় ট্ৰেড ইউনিয়ন আৰু কৰ্মচাৰী ফেডাৰেচনৰ এই প্ৰতিবাদ সাব্যস্ত কৰে। সংগঠন দুটাই গোলাঘাট নগৰৰ মাজেৰে এক ৰেলী বাহিৰ কৰি ভাৰত বাচাও কাৰ্যসূচীৰে প্ৰতিবাদ সাব্যস্ত কৰে। সংগঠনটোৰ দাবী স্বাস্থ্য সেৱা সম্পূৰ্ণ ৰূপে বিনামূলীয়া আৰু সাৰ্বজনীন কৰা। ৰেল, বিদ্যুৎ, তেল, কয়লা, প্ৰতিৰক্ষা আৰু বেংকসহ দেশৰ ৰাজহুৱা খণ্ড ব্যক্তিগতকৰণৰ অভিযান বন্ধ কৰা। কৰ’না পৰিস্থিতিয়ে আয়হীন কৰি তোলা প্ৰতিজন ব্যক্তিক প্ৰতিমাহে ১০ কিলোকৈ চাউলসহ অত্যাৱশ্যকীয় সামগ্ৰী প্ৰদান কৰা। কৰ্মহীন হোৱা মটৰ পৰিবহণ শ্ৰমিকসহ অসংগতি খণ্ডৰ সকলো শ্ৰমিকক মাহিলি ৭৫০০ টকা হাৰে সাহায্য প্ৰদান কৰা। পৰিৱেশ প্ৰভাৱ নিৰূপণ (EIA) ২০২০ বিধেয়ক বাতিল কৰা। সংগঠনটোৱে কেন্দ্ৰীয় তথা ৰাজ্যৰ বিজেপি চৰকাৰক বিভিন্ন সমালোচনা কৰি উত্তাল প্ৰতিবাদ সাব্যস্ত কৰে।