হাৰাফুটাত মুখ্যমন্ত্ৰী ড° হিমন্ত বিশ্ব শৰ্মা, ৰনোজ পেগু,পৃথি মাঝিৰ পুত্তলিকা দাহ সদৌ চাওতাল ছাত্ৰ সন্থাৰ…

অসমত বসবাস কৰা চাঁওতাল জনগোষ্ঠীক চাহ জনগোষ্ঠীৰ লগত সাঙুৰি লোৱা ঘটনাত জাঙুৰ খাই উঠিছে আদিবাসী জনগোষ্ঠীৰ বিভিন্ন দল-সংগঠন ৷ মুখ্যমন্ত্ৰী ড° হিমন্ত বিশ্ব শৰ্মাই আদিবাসী সকলক চাহ জনগোষ্ঠী বুলি নামাকৰন কৰাত সদৌ চাঁওতাল ছাত্ৰ সন্থা চমুকৈ এছুৱে আজি গোসাইগাঁও মহকুমাৰ হাৰাফুটাত ৩১ নম্বৰ ৰাষ্ট্ৰীয় ঘাইপথত মুখ্যমন্ত্ৰী ড° হিমন্ত বিশ্ব শৰ্মা, কেবিনেট মন্ত্ৰী ৰনোজ পেগু আৰু চাহ জনগোষ্ঠীৰ জাতীয় সন্মিলনীৰ সভাপতি পৃত্থি মাঝিৰ পুত্তলিকা দাহ কৰি প্ৰতিবাদ সাব্যস্ত কৰে ৷

এছুৰ গোসাইগাঁও জিলা সমিতিৰ উদ্যোগত অনুষ্ঠিত পুত্তলিকা কাৰ্যসুচীত অংশগ্ৰহনকাৰীসকলে চাঁওতাল সকলক চাহ জনগোষ্ঠী নামাকৰণ নচলিব,মুখ্যমন্ত্ৰী হায় হায়,ৰনোজ পেগু মুৰ্দাবাদ,পৃত্থি মাঝি মুৰ্দাবাদ,আদি প্ৰতিবাদী শ্লোগান দি পৰিস্থিতি উত্তাল কৰি তোলে ৷ কাৰ্যসুচীত এছুৰ কেন্দ্ৰীয় সাধাাৰণ সম্পাদক ৰিমান চাকু চৰেনে চৰকাৰক সমালোচনা কৰি কয় এনে নামাকৰনৰ পৰা বিৰত থাকিবলৈ আহ্বান জনায় অন্যথা তীব্ৰ আন্দোলনৰ হুংকাৰ দিয়ে ৷