টীয়কত চৰকাৰী কাৰ্যসূচীত অংশগ্ৰহণ মুখ্যমন্ত্ৰী : টীয়ক আৰক্ষী থানাৰ নৱনিৰ্মিত ভৱন উদ্ধোধন ।

0 1,026

টীয়ক :
অসমৰ মুখ্যমন্ত্ৰী সৰ্বানন্দ সোনোৱালে বুধবাৰে টীয়কৰ কেইবাটাও চৰকাৰী কাৰ্যসূচীত অংশগ্ৰহণ কৰে । টীয়ক ৰজাবাৰীত স্থাপন কৰা বানপানীত আক্ৰান্ত লোকৰ আশ্ৰয় শিৱিৰত মুখ্যমন্ত্ৰী সৰ্বানন্দ সোনোৱাল । ব্ৰহ্মপুত্ৰৰ বাঢ়নী পানীয়ে সৰ্বস্বান্ত কৰা পৰিয়ালে আশ্ৰয় লোৱা শিৱিৰত বৰ্নাতৰে মত বিনিময় কৰাৰ লগতে পৰিস্থিতিৰ বুজ লয় ।তেওঁ সকলো প্ৰকাৰৰ সুবিধা প্ৰদান কৰাৰ নিৰ্দেশ দিয়ে জিলা প্ৰশাসনক । মুখ্যমন্ত্ৰী গৰাকীয়ে ইয়াৰ পাছতে ঐতিহাসিক ঢেকীয়াখোৱা বৰনামঘৰত উপস্থিত হৈ নেদেখা জনৰ ওচৰত আৰ্শীবাদ লোৱাৰ লগতে ঐতিহাসিক ঢেকীয়াখোৱা বৰনামঘৰৰ আন্ত:গাঠনি উন্নয়নৰ বাবে চৰকাৰে আগবঢ়োৱা এক কোটি টকাৰে নিৰ্মাণ কৰিবলৈ লোৱা ৰংগ মঞ্চৰ আধাৰশিলা কৰাৰ লগতে অসম দৰ্শন আঁচনিৰ দহ লাখ টকাৰে নিৰ্মাণ কৰিব লগা আঁচনিৰো শিলান্যাস কৰে । বিয়লি মুখ্যমন্ত্ৰী সৰ্বানন্দ সোনোৱালে মৈত্ৰী আঁচনিৰে নিৰ্মাণ কৰা টীয়ক আৰক্ষী থানাৰ নব নিৰ্মিত ভৱনটো আনুষ্ঠানিকভাৱে উদ্ধোধন কৰে । অনুষ্ঠানত অসম বিধান সভাৰ অধ্যক্ষ হিতেন্দ্ৰ নাথ গোস্বামী, সাংসদ তপন কুমাৰ গগৈ, কামাখ্যা প্ৰসাদ তাছা, মন্ত্ৰী যোগেন মহন, টীয়ক,লাহোৱাল,ডেৰগাঁও,মৰিয়নিৰ বিধায়ক সকল ,অসম আৰক্ষীৰ সঞ্চালক ভাস্কৰজ্যোতি মহন্তকে বহু লোক উপস্থিত থাকে । এই অনুষ্ঠানৰ পৰাই ভিডিঅ’ কনফাৰেন্সৰ যোগেদি শিৱসাগৰ সদৰ থানা আৰু সৰুপথাৰ আৰক্ষী থানাৰ নৱ নিৰ্মিত ভৱন দুটাও উদ্ধোধন কৰে ।