মুখ্যমন্ত্ৰী শিৱৰাজ সিং চৌহানৰ ঘোষণা : চৰকাৰী চাকৰিত স্থানীয় যুৱকক অগ্ৰাধিকাৰ মধ্য প্ৰদেশত

দৈনন্দিন বাৰ্তা ডেস্ক : মধ্য প্ৰদেশৰ মুখ্যমন্ত্ৰী শিৱৰাজ সিং চৌহানে ঘোষণা কৰিছে যে তেওঁৰ ৰাজ্যত চৰকাৰী খণ্ডত নিয়োগৰ ক্ষেত্ৰত কেৱল ৰাজ্যখনৰ যুৱকৰ বাবে সংৰক্ষিত৷ সেয়া নিশ্চিত কৰিবৰ বাবে তেওঁ আইনী পদক্ষেপ ল’ব৷ উল্লেখ্য যে স্বাধীনতা দিৱসৰ ভাষণত ঘোষণা কৰা বিষয়বোৰ কাৰ্যব্যৱস্থা গ্ৰহণৰ বাবে চৌহানে তেওঁৰ মন্ত্ৰী আৰু জ্যেষ্ঠ বিষয়াসকলৰ সৈতে আলোচনা কৰে৷ ‘আমাৰ চৰকাৰে আজি এটা গুৰুত্বপূৰ্ণ সিদ্ধান্ত লৈছে৷ মধ্য প্ৰদেশৰ স্থানীয় যুৱকৰ চৰকাৰী চাকৰি দিবৰ বাবে চৰকাৰে প্ৰয়োজনীয় আইনী পদক্ষেপ গ্ৰহণ কৰিছে৷’ এইদৰে সংবাদ মাধ্যমৰ আগত মুখ্যমন্ত্ৰীজনে কয়৷ স্বাধীনতা দিৱসৰ ভাষণত ১৫ আগষ্টৰ দিনা চৌহানে কৈছিল যে ৰাজ্যখনত চৰকাৰী চাকৰিত স্থানীয় যুৱকক অগ্ৰাধিকাৰ দিব৷ তেওঁ লগতে কয় যে ৰাজ্যৰ লোকসকলে যাতে প্ৰতিটো আঁচনিত পৃথকে পঞ্জীয়ন নকৰে তাৰ বাবে এটা একক ডাটাবেচ প্ৰস্তুত কৰিছে ৷