Breaking

মহাবিদ্যালয় গ্ৰন্থাগাৰিকৰ বিশেষ প্ৰশিক্ষণ সম্পন্ন

0 43

নাজিৰা

অসম মহাবিদ্যালয় গ্ৰন্থাগাৰিক সংস্থাৰ উদ্যোগত  আৰু ভাৰত চৰকাৰৰ বিশ্ববিদ্যালয় অনুদান আয়োগৰ উল্লেখযোগ্য  ইনফ্লিবনেট (UGC_ Inflibnet) কেন্দ্ৰৰ সহযোগত সোমবাৰে দিনৰ ২-৩০ বজাৰ পৰা ভিডিঅ’ কনফেৰেঞ্চযোগে শতাধিক গ্ৰন্থাগাৰিকৰ যোগদানত এক বিশেষ প্ৰশিক্ষণ অনুষ্ঠিত হয়। ইনফ্লিবনেটৰ বৈজ্ঞানিক য়াত্ৰিক পেটেল, ড° এইচ জি হোছামণি আৰু ডি আৰ ভাগেলাই মুখ্য প্ৰশিক্ষক হিচাপে যোগদান কৰা এই প্ৰশিক্ষণত গ্ৰন্থাগাৰ পৰিচনাৰ ছফ্টৱেৰ SOUL:3.0 ৰ যোগেদি অসমৰ মহাবিদ্যালয় সমূহৰ গ্ৰন্থাগাৰৰ পৰা বর্তমান ক’ভিড ১৯ সৃষ্ট লকডাউনৰ সময়ত তথা আগত দিনত উচ্চ শিক্ষাৰ শিক্ষণ-শিকন প্ৰক্ৰিয়াক বৈদ্যুতিন মাধ্যমৰ যোগেদি কেনেদৰে আগবঢ়াই নিব পাৰি, সেই বিষয়ে প্ৰশিক্ষণ দিয়ে। বৰ্তমান পৰিস্থিতিক এক প্ৰত্যাহ্বান হিচাপে লৈ পঢ়ুৱৈসকলে পুথিভঁৰাললৈ নহাকৈ নিজ নিজ স্থানৰ পৰাই পুথিভঁৰালৰ বিভিন্ন তথ্য তথা গ্ৰন্থ পঢ়াৰ সুবিধা এই নতুন ছফ্টৱেৰ সংস্কৰণৰ জৰিয়তে পুথিভঁৰাল সেৱা অসমত অতি কম দিনৰ ভিতৰতে আগবঢ়াবলৈ সক্ষম হ’ব বুলি সংস্থাৰ সভাপতি শ্ৰীমন্ত মাধৱ বৰা আৰু সম্পাদক ড° প্ৰশান্ত কুমাৰ ডেকাই জানিবলৈ দিয়ে। প্ৰথম পৰ্যায়ত শতাধিক গ্ৰন্থাগাৰিকে ইতিমধ্যে যোগদান কৰাৰ পিছতো অসমৰ প্ৰায় দুই শতাধিক গ্ৰন্থাগাৰিক এই প্ৰশিক্ষণৰ পৰা বঞ্চিত হোৱাত সংস্থাই পুনৰ মঙলবাৰে দিনৰ ২-৩০ বজাত দ্বিতীয়টো প্ৰশিক্ষণৰ ব্যৱস্থা গ্ৰহণ কৰিছে বুলি সংস্থাৰ প্ৰচাৰ সচিব ড° ৰাজেন্দ্ৰ মোহন দেৱ শৰ্মাই এক প্ৰেছ বিজ্ঞপ্তিত জানিবলৈ দিয়ে।