গুজৰাটত কংগ্ৰেছৰ সংকত । ৰাজ্যসভাৰ নিৰ্বাচনৰ পূৰ্বে ৩ বিধায়কৰ দল ত্যাগ ।

গুৱাহাটী

আগন্তুক ৰাজ্যসভাৰ চাৰিখন আসনৰ বাবে ভোট গ্ৰহণ অনুষ্ঠিত হ’ব গুজৰাট বিধানসভাত। নিৰ্বাচন আয়োগৰ নিৰ্দেশনা অনুসৰি ৰজ্ঝ জুনত ভোট গ্ৰহণ আৰু সেইদিনাই বিয়লি ভোটগণনা তথা ফলাফল ঘোষণা কৰা হ’ব। কিন্তু, ভোট গ্ৰহণৰ প্ৰাক্ক্ষণত গুজৰাট কংগ্ৰেছত আৰম্ভ হৈছে দল ত্যাগৰ জোৱাৰ। যোৱা তিনিদিনত তিনি বিধায়কে বিধান সভাৰ সদস্য পদৰ লগতে কংগ্ৰেছৰ প্ৰাথমিক সদস্যৰ পদো ত্যাগ কৰিছে। এই কথাই দেশৰ প্ৰধানমন্ত্ৰী নৰেন্দ্ৰ মোডীৰ আৰু গৃহমন্ত্ৰী অমিত শ্বাহৰ নিজ ৰাজ্যত বিজেপি দলক উৎসাহিত কৰিছে। প্ৰাপ্ত তথ্য মতে ব্ৰীজেশ মিৰাজ, অক্ষয় পেটেল আৰু জিতু চৌধাই নামৰ তিনি কংগ্ৰেছ বিধায়কে পদত্যাগ কৰিছে। ফলত ৰাজ্যখনত কংগ্ৰেছৰ অন্যান্য নেতা কৰ্মীৰ মাজতো দল ত্যাগৰ প্ৰৱণতা বৃদ্ধি পাইছে। কংগ্ৰেছৰ সভানেত্ৰী ছোনিয়া গান্ধীৰ ৰাজনৈতিক সচিব আহমেদ পেটেলৰ গৃহ ৰাজ্যত কংগ্ৰেছৰ এই খহনীয়াই আগন্তুক সময়ত অন্যান্য ৰাজ্যসমূহতো প্ৰভাৱ পেলোৱাৰ সম্ভাৱনা আছে।