২৪ ডিচেম্বৰত বৰপেটাত কনজিউমাৰ ৰাইটছ অৰ্গেনাইজেশ্বনৰ গ্ৰাহক সজাগতা সভা

অনলাইন বাৰ্তা, ২১ ডিচেম্বৰ : ৰাষ্ট্ৰীয় গ্ৰাহক সুৰক্ষা দিৱসৰ লগত সংগতি ৰাখি অহা ২৪ ডিচেম্বৰ তাৰিখে কনজিউমাৰ  ৰাইটছ অৰ্গেনাইজেশ্বনে বৰপেটাত অনুষ্ঠিত কৰিব এক গ্ৰাহক সজাগতা সভা ৷ বৰপেটা জিলাৰ আইন মহাবিদ্যালয়ৰ প্ৰেক্ষাগৃহত ২৪ডিছেম্বৰৰ দিনত ১বজাত অনুষ্ঠিত হ’ব গ্ৰাহক সজাগতা সভা ৷ আজি মহানগৰীৰ এবিচি স্হিত সংগঠনটোৰ কাৰ্য্যলয়ত অনুষ্ঠিত এক সংবাদ মেলত ৰাজ্যিক সাধৰন সম্পাদক কল্যাণ বৰঠাকুৰে সদৰি কৰে ৷ তেওঁ কয় যে গ্ৰাহকক নিজৰ অধিকাৰৰ পৰা বঞ্চিত বা প্ৰতাৰন কৰা কাৰ্য্যৰ বিৰুদ্ধে এই সজাগতা সভা অনুষ্ঠিত কৰা হ’ব ৷ অনুষ্ঠানত গুৱাহাটী উচ্চ ন্যালয়ৰ অবসৰপ্ৰাপ্ত ন্যায়ধীশ ইন্দিৰ চাহ মুখ্য অতিথি হিচাপে উপস্থিত থাকিব ৷ লগতে বৰপেটা জিলাৰ  উপায়ুক্ত আৰু আৰক্ষী অধীক্ষক  বিশিষ্ট ব্যক্তি হিচাপে উপস্থিত থাকিব বুলি বৰঠাকুৰে সদৰি কৰে ৷ সংবাদ মেলত উত্তৰ পূৰ্বাঞ্চল জনেক সভাপতি উত্তম ভট্টাচাৰ্যই উপস্থিত থাকি কয় যে ২৪ডিছেম্বৰ ৰাষ্ট্ৰীয় গ্ৰাহক সুৰক্ষা দিৱস ৷ সেইদিনা দিনৰ ১ বজাত বৃষ্টিত কাৰ্যসূচীৰে সজাগতা সভা অনুষ্ঠিত কৰা হ’ব ৷ সভাত প্ৰায় ৪শতাধিক ব্যক্তি উপস্থিত থাকিব ৷ গ্ৰাহকক সজাগতা কৰাই আমাৰ লক্ষ্য বুলি ভট্টাচাৰ্যই উল্লেখ কৰে ৷ উল্লেখ্য যে সংবাদমেল উপসভাপতি ত্ৰিদিব বৰুৱা, বিত্তীয় সম্পাদক পলী চেতীয়া বৰুৱা আৰু সাংগঠনিক সম্পাদক গজেন ভূঞা উপস্থিত থাকে ৷