অসম ৰাজ্যিক প্ৰাথমিক শিক্ষক সন্মিলনীৰ আহ্বানত তামুলপুৰ মহকুমা প্ৰাথমিক শিক্ষক সন্মিলনীয়ে আজি মহকুমাটোৰ বিভিন্ন বিদ্যালয়ৰ শিক্ষক-শিক্ষয়িত্ৰী সকলৰ সহযোগত তামুলপুৰ মহকুমাৰ বিদ্যালয় সমূহৰ উপ-পৰিদৰ্শকৰ সন্মুখত সমবেত হৈ তিনিঘণ্টীয়া শিক্ষা বিষয়াৰ কাৰ্যালয় ঘেৰাও কাৰ্যসূচী ৰূপায়ণ কৰে। প্ৰাথমিক বিদ্যালয় সমূহত প্ৰধান শিক্ষকৰ পদ সৃষ্টি কৰা আৰু স্নাতক শিক্ষকৰ পৰা কাঢ়ি লোৱা ৮৭০০ টকাৰ গ্ৰেড পে’ পুনৰ ঘূৰাই দিয়াৰ দাবীক মুখ্য দাবী হিচাপে লৈ তামুলপুৰ মহাকুমাৰ শিক্ষক-শিক্ষয়িত্ৰী সকলে দিনৰ এঘাৰ বজাৰ পৰা দুই বজালৈ তিনি ঘণ্টীয়া শিক্ষা বিষয়াৰ কাৰ্যালয় ঘেৰাও কাৰ্যসূচী ৰূপায়ণ কৰাৰ সময়তঅংশগ্ৰহণ কাৰী শিক্ষক-শিকয়িত্ৰীসকলে প্ৰাথমিক বিদ্যালয়ত প্ৰধান শিক্ষকৰ নিযুক্তি দিয়ক, স্নাতক শিক্ষকৰ পৰা কাঢ়ি লোৱা ৮৭০০ টকাৰ গ্ৰেড পে ঘূৰাই দিয়ক, অসম চৰকাৰ হায় হায়, অসম ৰাজ্যিক প্ৰাথমিক শিক্ষক সন্মিলনী জিন্দাবাদ ,শিক্ষক ঐক্য জিন্দাবাদ আদি বিভিন্ন ধ্বনি দি পৰিৱেশ উত্তাল কৰি তোলে। নেতৃবৃন্দই প্ৰকাশ কৰা মতে ইতিপূৰ্বে অসম ৰাজ্যিক প্ৰাথমিক শিক্ষক সন্মিলনীৰ সতে অসম চৰকাৰে বিভিন্ন পৰ্যায়ত ৩৭ বাৰকৈ আলোচনাৰ অন্তত অসমৰ মুখ্যমন্ত্ৰীয়ে দুয়োটা দাবীৰ নায্যতা বুজি শিক্ষা আৰু বিত্ত বিভাগক দাবী পূৰণৰ নিৰ্দেশ দিছিল যদিও কাৰ্যকৰী নোহোৱাত বিগত ২২ জানুৱাৰী তাৰিখে ৰাজ্যৰ চল্লিশ সহস্ৰাধিক শিক্ষকে মুখ্য মন্ত্ৰীৰ বাসভৱনত ঘেৰাও কাৰ্যসূচী ৰূপায়ণ কৰি সেইদিনাৰে পৰা সুদীৰ্ঘ বিশদিন বিত্তীয় লেনদেন আৰু তথ্য আদান-প্ৰদানৰ পৰা বিৰত থাকি আংশিক অসহযোগ পালন কৰিছিল। কিন্তু তাৰপিছতো বিষয়টোত কোনো মান্যতা প্ৰদান নকৰাত যোৱা বাজেট অধিৱেশনৰ দিনকেইটাত তিনি দিনীয়া পূৰ্ণ অসহযোগ কাৰ্যসূচী ৰূপায়ণ কৰা হৈছিল। তথাপি সমস্যা সমাধানৰ কোনো আদেশ প্ৰকাশ কৰা নোহোৱাত অসম ৰাজ্যিক প্ৰাথমিক শিক্ষক সন্মিলনীৰ আহ্বানত আজি তামুলপুৰ মহকুমাৰ বিদ্যালয় সমূহৰ উপ-পৰিদৰ্শক ৰ কাৰ্যালয়ত তিনি ঘণ্টীয়া ঘেৰাও কাৰ্যসূচী ৰূপায়ণ কৰি অতি শীঘ্ৰে মুখ্য মন্ত্ৰীৰ নিৰ্দেশ কাৰ্যকৰী কৰি আদেশ প্ৰকাশৰ দাবী জনায়। ঘেৰাও কাৰ্যসূচীৰ অন্তত তামুলপুৰ মহকুমা শিক্ষক সন্মিলনীৰ তৰফৰ পৰা তামুলপুৰ মহকুমা বিদ্যালয় সমূহৰ উপ-পৰিদৰ্শকৰ জৰিয়তে অসম চৰকাৰৰ শিক্ষা মন্ত্ৰী লৈ এখন স্মাৰক পত্ৰ প্ৰদান কৰা হয়। এই ঘেৰাও কাৰ্যসূচীত তামুলপুৰ মহকুমা প্ৰাথমিক শিক্ষক সন্মিলনীৰ ভাৰপ্ৰাপ্ত সভাপতি বলো ৰাম বড়ো,সাধাৰণ সম্পাদক বাৰহুংখা বড়ো,বিটিএডি প্ৰাথমিক শিক্ষক সন্মিলনীৰ উপ-সভাপতি উমেশ তালুকদাৰ, তামুলপুৰ মহকুমা প্ৰাথমিক শিক্ষক সন্মিলনীৰ উপদেষ্টা দীনেশ দাস, তামুলপুৰ আঞ্চলিক প্ৰাথমিক শিক্ষক সন্মিলনীৰ সভাপতি সুৰেণ ৰাভা, বসন্ত তালুকদাৰ, নাৰায়ণ কলিতা প্ৰমুখ্যে শতাধিক শিক্ষক-শিক্ষয়িত্ৰীয়ে অংশগ্ৰহণ কৰে।
Breaking
- গুৱাহাটী স্মাৰ্ট চিটী প্ৰকল্প পৰ্যবসিত হৈছে খীৰতী গাইলৈ। ছ বছৰত ৩৬৪ কোটি ব্যয় কৰাৰ পিছতো প্ৰতিফলিত হোৱা নাই উন্নয়নৰ ছবি
- কৃতি চাননৰ ৩২ তম জন্মদিনত সুশান্তৰ সৈতে ৰোমান্টিক ফটো চাওক। আৱেগিক হৈ পৰিল কৃতি চানন
- চৰাইবাহী বৰভগীয়াত ড্ৰাগচ বিৰোধী অভিযানত মিকিৰভেটা আৰক্ষীৰ বৃহৎ সফলতা
- অত্যাৱশ্যকীয় সামগ্ৰীৰ মূল্য বৃদ্ধিৰ বিৰুদ্ধে গোলাঘাট মহকুমা ছাত্ৰ সন্থাৰ উত্তাল প্ৰতিবাদ
- দৈ-কিচমিচ খালে পাচনতন্ত্ৰৰ সমস্যা কমে! কৰীনাৰ পুষ্টি বিশেষজ্ঞই ক’লে দৈ-কিচমিচৰ উপকাৰিতাৰ বিষয়ে…
- অটো-ব্ৰুৱেৰী চিণ্ড্ৰোমঃ বেলজিয়ামৰ এজন লোকৰ দেহত নিজে নিজে উৎপাদন হয় সুৰা!
- ‘হেল্থ ড্ৰিংক’ৰ লেবেল আঁতৰোৱা হৰলিক্সৰ পৰা…
- অন্ত পৰিল দ্বিতীয় পৰ্যায়ৰ নিৰ্বাচনী প্ৰচাৰৰ, ২৬ এপ্ৰিলত অসমৰ ৫ সমষ্টিত নিৰ্ণয় হ’ব ৬১ গৰাকী প্ৰাৰ্থীৰ ভাগ্য…
- ২০০তকৈও অধিক ভূমিকম্পই জোকাৰিলে টাইৱানক…
- জাতিগত লোকপিয়ল মোৰ জীৱনৰ মিছন ! কংগ্ৰেছে নিৰ্বাচনত জয়ী হ’লে কোনো শক্তিয়ে ইয়াক বন্ধ কৰিব নোৱাৰে: ৰাহুল গান্ধী…
- হঠাৎ ধোনীৰ খং ! কেমেৰালৈ বটল দলিয়াব বিচাৰিলে এম এছ ধোনীয়ে , ভাইৰেল হৈ পৰিল ভিডিঅ’…
- লোকসভা নিৰ্বাচনত ভোট দিব নোৱাৰিব আলিয়া, কেটৰিনা; জেকলিনে! কিয় জানেনে…
- যুদ্ধৰ বিৰোধিতা ! ফ্লৰিডাৰ মেকডিল বায়ু সেনা ঘাটিত যুদ্ধ বিমান ৰখাই দিলে এটা প্ৰকাণ্ড ঘঁৰিয়ালে…
- ভাৰতীয় ষ্টক মাৰ্কেটত চেন্সেক্সে ৭৪ হাজাৰ অতিক্ৰম…