ভাৰতত ক’ৰোনাত আক্ৰান্তৰ সংখ্যা ৮ লাখ অতিক্ৰম ৷

0 1,210

দৈনন্দিন বাৰ্তা ডেস্ক :

মুঠ ক’ৰোনাত আক্ৰান্তৰ সংখ্যা আঠ লাখ অতিক্ৰম কৰিলে ৷ নতুনকৈ আক্ৰান্ত হোৱা লোকৰ সংখ্যাও বৃদ্ধি পাইছে ৷ শনিবাৰে এই বৃদ্ধিৰ পৰিমাণ ২৭ হাজাৰ পালেগৈ ৷ কেন্দ্ৰীয় স্বাস্থ্য মন্ত্ৰালয়ৰ মতে যোৱা ২৪ ঘণ্টাত ২৭১১৪ জন লোক আক্ৰান্ত হয় ৷ যিটো এই পৰ্যন্ত সৰ্বাধিক ৷ ইয়াকে লৈ দেশত মুঠ আক্ৰান্তৰ সংখ্যা হ’ল ৮২০৯১৬ জন ৷ আনহাতে দেশত যোৱা ২৪ ঘণ্টাত ৫১৯ জন লোকৰ মৃত্যু হয় ৷ ইয়াকে লৈ দেশত মুঠ ২২১২৩ জন লোকৰ মৃত্যু হৈছে৷ তাৰ ভিতৰত মহাৰাষ্ট্ৰত সৰ্বাধিক ৯৮৯৩ জন লোকৰ মৃত্যু হৈছে ৷ আনহাতে দিল্লীত ৩৩০০, গুজৰাটত ২০২২, তামিলনাডুত ১৮২৯ জন লোকৰ মৃত্যু হৈছে ৷ দেশৰ আন ৰাজ্যতো ক’ৰোনাত মৃত্যু হৈছে ৷ আক্ৰান্ত দ্ৰুত হাৰত বৃদ্ধি হ’লেও ভাৰতত সুস্থ হোৱা লোকৰ সংখ্যাই স্বস্তিৰ নিঃশ্বাস পেলাইছে ৷ দেশত পাঁচ লাখৰ অধিক লোক সুস্থ হৈছে ৷ যোৱা ২৪ ঘণ্টাত ১৯৮৭৩ জন লোক সুস্থ হয়৷ ইয়াকে লৈ দেশত ৫১৫৩৮৫ জন লোক সুস্থ হৈছে ৷ মুঠ আক্ৰান্তৰ ভিতৰত সুস্থ হোৱা লোকৰ পৰিমাণ হ’ল ৬২ শতাংশ ৷