Breaking

ভাৰতত ক’ৰোনা ভাইৰাছত আক্ৰান্তৰ সংখ্যা চাৰে পাঁচ লাখ অতিক্ৰম ।

0 1,014

দৈনন্দিন বাৰ্তা ডেস্ক :

ভাৰতত ক’ৰোনা ভাইৰাছত আক্ৰান্তৰ সংখ্যা চাৰে পাঁচ লাখ অতিক্ৰম কৰিলে ৷ যোৱা ২৪ ঘণ্টাত নতুনকৈ ১৮৫২২ জন লোক ক’ৰোনাত আক্ৰান্ত হয়৷ ইয়াকে লৈ দেশত মুঠ আক্ৰান্তৰ সংখ্যা ৫৬৬৮৪০ জন হ’লগৈ ৷ মহাৰাষ্ট্ৰ, তামিলনাডু আৰু দিল্লী এই তিনিখন ৰাজ্যতে মুঠ আক্ৰান্তৰ ৬০ শতাংশ৷ আনহাতে সমগ্ৰ দেশত ৫৯ শতাংশ সুস্থ হৈ উঠিছে ৷ আক্ৰান্তৰ লগতে মৃত্যুৰ সংখ্যাও বৃদ্ধি পাইছে ৷ কেন্দ্ৰীয় স্বাস্থ্য মন্ত্ৰালয়ৰ তথ্য মতে যোৱা ২৪ ঘণ্টাত ৪১৮ জন লোকৰ মৃত্যু হৈছে ৷ ইয়াকে লৈ দেশত মুঠ ১৬৮৯৩ জন লোক ক’ৰোনাত আক্ৰান্ত হৈ মৃত্যু হৈছে৷ ইয়াৰ মাজত মহাৰাষ্ট্ৰত ৭৬১০, দিল্লীত ২৬৮০ আৰু গুজৰাটত ১৮২৭ জন লোকৰ মৃত্যু হৈছে ৷