ক’ৰোনা ভাইৰাছ সংক্ৰমণ : পাকিস্তানৰ চিকিৎসালয়ত নাই বিচনা, ভেণ্টিলেটৰ ।

দৈনন্দিন বাৰ্তা ইণ্টাৰনেচনেল ডেস্ক

পাকিস্তানত ক’ৰোনা আক্ৰান্তৰ সংখ্যা এক লাখৰো অধিক হ’ল৷ দেশখনৰ চিকিৎসালয় কর্তৃপক্ষই জনাইছে যে চিকিৎসালয়ত বিচনা নাই৷ চিকিৎসকসকলেও কৈছে, চিকিৎসালয়ত পর্যাপ্ত বিচনা নাই, ভেণ্টিলেটৰ নাই৷ চিকিৎসা কৰা দুঃসাধ্য হৈ পৰিছে৷ উল্লেখ্য যে কেৱল লাহোৰতে ক’ৰোনাত আক্ৰান্তৰ সংখ্যা ৭০ হাজাৰ৷ লাহোৰৰ এখন চিকিৎসালয়ৰ চিকিৎসক ফাৰুক ছাহিলে কয় যে আক্ৰান্তৰ সংখ্যা বৃদ্ধি হৈছে৷ স্বাস্থ্য কৰ্মীও ক’ৰোনাত আক্ৰান্ত হৈছে৷ ইয়ং ডক্টৰছ এছ’চিয়েছনৰ সভাপতি খাইজাপ হায়াটে জনাইছে যে চিকিৎসালয়বোৰত আটাইবোৰ বিচনা ভৰ্ত্তি হৈছে৷ প্ৰয়োজনীয় ভেণ্টিলেটৰো নাই৷ অৰ্থনীতিৰ কথাত গুৰুত্ব আৰোপ কৰি সমগ্ৰ দেশত সম্পূর্ণ লকডাউন কৰা নাই প্রধানমন্ত্রী ইমৰান খানে। পাকিস্তানৰ ক’ৰোনা টাস্কফ’ৰ্চৰ প্ৰধান ওমৰে৷সোমবাৰে পুৱা ঘোষণা কৰিছিল যে দেশৰ প্ৰধান চহৰবোৰত নতুনকৈ ১০০০ বিচনা যোগ কৰিব৷ বালুচিস্তান প্রদেশৰ চৰকাৰী মুখপাত্র লিয়াকৎ ছাহাৱানিয়ে কয় যে পৰিস্থিতি গুৰুতৰ৷ কর্তৃপক্ষই যুঁজ কৰি আছে৷