দৈনন্দিন বাৰ্তা সেৱাঃ সমগ্ৰ দেশৰ লগতে অসমতো বিনামূলীয়াকৈ বিতৰণ কৰা হব কৰ’ণাৰ ভেকচিন। শুকুৰবাৰে নগাঁৱত দুৰ্গাপূজা মণ্ডপত উপস্থিত হৈ ভেকচিন বিনামূলীয়াকৈ যোগান ধৰাৰ কথা উল্লেখ কৰে মন্ত্ৰী হিমন্ত বিশ্ব শৰ্মাই। ৰাজ্যত বিগত কিছুদিনৰ পৰা কভিড আক্ৰান্ত লোকৰ সংখ্যা হ্ৰাস পোৱা উল্লেখ কৰি মন্ত্ৰী শৰ্মাই কয়, ভেকচিন অসমতো বিনামূলীয়া হ’ব।
ভাৰত চৰকাৰে বিনামূলীয়াকৈ ভেকচিন যোগান ধৰাৰ বাবে সিদ্ধান্ত গ্ৰহণ কৰিছে। সকলোকে ভেকচিনৰ আওতালৈ অনাটো সহজসাধ্য কাম নহয়। পূৰ্বপ্ৰস্তুতি নাথাকিলে গোটেই প্ৰক্ৰিয়াটোত বিফল হোৱাৰ সম্ভাৱনা আছে। সেয়েহে ভেকচিন অহাৰ পূৰ্বেই চৰকাৰে প্ৰস্তুতি আৰম্ভ কৰিছে।
মহামাৰীৰ পৰিস্থিতিত সকলো লোককে সাৱধানেৰে থাকি নীতি-নিয়মৰ মাজেৰেহে পূজা পালন কৰিলে ৰাজ্যত কৰ’ণাক পৰাজিত কৰিবলৈ সক্ষম হ’ম বুলি কয় মন্ত্ৰীগৰাকীয়ে।