কোন হব আমেৰিকা ৰাষ্ট্ৰপতি! ৰাষ্ট্ৰপতি পদৰ নিচেই ওচৰত জ’ বাইডেন, প্ৰয়োজন মাত্ৰ ৬ টা ইলেক্ট্রৰেল ভোটৰ
দৈনন্দিন বাৰ্তাৰ সেৱা, ৫ নৱেম্বৰঃ বিশ্বৰ বিভিন্ন প্ৰন্তত এতিয়া আমেৰিকাৰ ৰাষ্ট্ৰপতি নিৰ্বাচনক লৈ চর্চা অব্যাহত আছে। তীব্ৰ প্ৰতিদ্বন্দিতাৰ মাজেৰে ডেম’ক্ৰেটিক পদৰ প্ৰাৰ্থী জ’ বাইডেনে ৰাষ্ট্ৰপতি পদত জয়লাভৰ বাবে প্ৰয়োজন ২৭০ ইলেক্ট্ৰৰেল ভোটৰ কাষ চাপি আহিছে।
আমেৰিকাৰ ৰাষ্ট্ৰপতি হবলৈ আৰু মাত্ৰ ৬ টা ইলেক্ট্রৰেল ভোটৰ প্ৰয়োজন বাইডেনক। আনহাতে ডনাল্ড ট্ৰাম্পে লাভ কৰিছে এতিয়ালৈ লাভ কৰিছে ২১৪ টা ইলেক্ট্ৰৰেল ভোট। মনকৰিবলগীয়া, ৰাষ্ট্ৰপতি নিৰ্বাচনত অধিক সংখ্যক ভোট লাভ কৰি জ’ বাইদেনে ইতিহাস ৰচিবলৈ সক্ষম হৈছে।
উল্লেখ্যনীয় যে, ২০০৮ ত বাৰাক ওবামাৰ দ্বাৰা নিৰ্ধাৰিত ৰেকৰ্ডক চেৰ পেলাইছে জ’ বাইদেনে। আনহাতে আমেৰিকাৰ ৰাষ্ট্ৰপতি নিৰ্বাচনৰ গণনাৰ বিৰুদ্ধে ট্ৰাম্পে অভিযোগ দাখিল কৰা দেখা গৈছে।