ঢকুৱাখনা ৰ যুৱকৰ দেহত কভিড-১৯ : ৰোগীৰ ভাতৃ – লগৰীয়াক হ’ম কোৱাৰেণ্টাইন কৰাত আতংকিত অঞ্চলবাসী

দৈনন্দিন বাৰ্তাৰ সেৱা : ঢকুৱাখনা

শেহতীয়াকৈ ঢকুৱাখনাৰ তিনিজনকৈ লোকৰ দেহত মাৰাত্মক কভিড ১৯ ৰ উপস্থিতি ধৰা পৰা খবৰৰ পিছত আতংকময় পৰিস্থিতিয়ে বিৰাজ কৰিছে সমগ্ৰ ঢকুৱাখনাত।খবৰ অনুসৰি চেন্নাইৰ পৰা অহি তেজপুৰ কেন্দ্ৰীয় বিশ্ববিদ্যালয়ৰ আছুতীয়া কক্ষত থকা ঢকুৱাখনাৰ তিনি জন যুৱকৰ দেহত শেহতীয়াকৈ কভিড-১৯ ৰ উপস্থিতি ধৰা পৰিছে।এওঁলোক হৈছে ঢকুৱাখনাৰ কেকুৰী গৰুখুটি গাঁৱৰ হুকেশ্বৰ সোণোৱালৰ পুত্ৰ মোলাৰাম সোণোৱাল (৩০) আৰু চৰণ সোণোৱালৰ পুত্ৰ লক্ষ্য সোনোৱাল(২৩)।আনজন হল কেকুৰী কছাৰী গাঁৱৰ জীৱন সোণোৱালৰ পুত্ৰ ঘনকান্ত সোণোৱাল (২৯)।ঢকুৱাখনাত এই খবৰ বিয়পি পৰাৰ পিছত এই ঘটনাৰ লগত জড়িত আন কেতবোৰ আনুষংগিক ঘটনাই চিন্তিত আৰু আতংকিত কৰি তুলিছে ঢকুৱাখনা বাসীক।চিন্তনীয় বিষয়টো হল আক্ৰান্ত ঘনকান্ত সোণোৱালৰ ভাতৃ প্ৰাঞ্জল সোণোৱাল (২৫),একে অঞ্চলৰ গৰুখুটি গাঁৱৰ ঘণ সোণোৱাল, বিপুল সোণোৱাল, ধৰ্মেন্দ্ৰ সোণোৱাল আৰু দূৰ্গাধৰ সোণোৱাল চেন্নাই পৰা একেলগে উভটি আহি তেজপুৰ বিশ্ববিদ্যালয়ৰ কোৱাৰেণ্টাইন কেম্পত আছিল।কিন্তু উক্ত লোক কেইজনৰ যাৱতীয় পৰীক্ষাৰ পিছত বৰ্তমান ঘৰলৈ উভটি আহিছে।চেন্নাই ফেৰত লোক কেই জনক বৰ্তমান হম কোৱাৰেণ্টাইন কৰা হৈছে যদিও লগৰ তিনিগৰাকী দেহত কভিড পজিটিভ হোৱাৰ খবৰ অহাৰ পিছত ভয়ত কম্পমান হৈ পৰিছে অঞ্চলবাসী।অঞ্চলটোৰ ৰাইজৰ অভিযোগ-প্ৰাঞ্জল সোণোৱাল ,ঘণ সোণোৱাল, বিপুল সোণোৱাল, ধৰ্মেন্দ্ৰ সোণোৱাল আৰু দূৰ্গাধৰ সোণোৱালক যাবতীয় পৰীক্ষা কৰি ঘৰলৈ পঠিওৱা হৈছে যদিও শংকামুক্ত নহয়।গতিকে তেওঁলোকক হম কোৱাৰেণ্টাইন কৰাৰ পৰিবৰ্তে ঢকুৱাখনাস্থিত চৰকাৰী কোৱাৰেণ্টাইন চেণ্টাৰত ৰখা উচিত আছিল।কাৰণ যি কোনো সময়তে হম কোৱাৰেণ্টাইনৰ নীতি ভংগ কৰি বাহিৰলৈ ওলাই আহিব পাৰে তেওঁলোক আৰু তেওঁলোকৰ পৰিয়াল।যাৰ বাবে অধিক জটিল হব পাৰে সমস্যা।সেয়ে সময় থাকোতেই ঢকুৱাখনা মহকুমা প্ৰশাসনক ইয়াৰ প্রয়োজনীয় ব্যস্ততাৰ গ্ৰহণৰ দাবী জনাইছে অঞ্চলবাসীয়ে।

পাপু বৰুৱা,  ফোন নং – 8135831234