দৈনন্দিন বাৰ্তা ডেস্ক :
ক’ৰোনা আক্ৰান্ত দেশবোৰৰ তালিকাত তৃতীয় স্থান পাইছেগৈ ভাৰত৷ ভাৰতে ৰাছিয়াক পিছ পেলাই এই স্থান লাভ কৰিছে ৷ উল্লেখ্য যে ফ্ৰান্স, ইটালী, ব্ৰিটেইনৰ দৰে দেশক পিছ পেলাই চতুৰ্থ স্থানত আছিল ভাৰত ৷ কিন্তু দ্ৰুত সংক্ৰমণৰ ফলত ভাৰতে ৰাছিয়াক পিছ পেলালে ৷ তথ্য মতে ৰাছিয়াত মুঠ আক্ৰান্তৰ সংখ্যা ৬ লাখ ৮০ হাজাৰ ৷ যোৱা ২৪ ঘণ্টাত প্ৰায় ২৫ হাজাৰ বাঢ়ি ভাৰতত ৭ লাখ স্পৰ্শ কৰাৰ অৱস্থা হৈছে ৷ ক’ৰোনাত আক্ৰান্তৰ তালিকাত বিশ্বৰ প্ৰথম স্থানত আছে আমেৰিকা ৷ সেইখন দেশত ২৮ লাখৰো অধিক লোক ক’ৰোনাত আক্ৰান্ত হৈছে ৷ ১৬ লাখৰ অধিক সংক্ৰমণ হৈ দ্বিতীয় স্থানত আছে ব্ৰাজিল৷ ভাৰতত যোৱা ২৪ ঘণ্টাত ২৪,২৪৮ জন আক্ৰান্ত হয় ৷ তাকে লৈ ভাৰতত মুঠ ৬ লাখ ৯৭ হাজাৰ ৪১৩ জন ক’ৰোনাত আক্ৰান্ত হৈছে ৷ তদুপৰি ভাৰতত যোৱা ২৪ ঘণ্টাত ৪২৫ জন লোক মৃত্যু হয়৷ ইয়াকে লৈ দেশত মুঠ ১৯৬৯৩ জন লোকৰ মৃত্যু হৈছে ৷ দেশৰ ভিতৰত মহাৰাষ্ট্ৰত সৰ্বাধিক ৮৮২২ জন লোক এই ভাইৰাছত মৃত্যু হৈছে ৷ দিল্লীত ৩০৬৭, গুজৰাটত ১৯৪৩ জন লোকৰ মৃত্যু হৈছে ৷ আনহাতে তামিলনাডুত ১৫১০, উত্তৰ প্রদেশত ৭৮৫, পশ্চিমবংগত ৭৫৭ মধ্যপ্রদেশত ৬০৮ জন লোকৰ মৃত্যু হৈছে ৷ তদুপৰি ৰাজস্থানত ৪৫৬, কর্নাটকত ৩৭২, তেলেংগানাত ২৯৫, হৰিয়ানাত ২৬৫, অন্ধ্রপ্রদেশত ২৩২, পঞ্জাবত ১৬৪, জম্মু আৰু কাশ্মীৰত ১৩২ জনৰ মৃত্যু হৈছে৷ আনহাতে দেওবাৰে সুস্থ হোৱা লোকৰ সংখ্যা চাৰি লাখ অতিক্ৰম কৰে ৷ যোৱা ২৪ ঘণ্টাত ১৫ হাজাৰ ৩৫০ জন সুস্থ হই। ইয়াকে লৈ মুঠ ৪ লাখ ২৪ হাজাৰ ৪৪৩ জন ক’ৰোনাৰ কৱলৰ পৰা মুক্ত হয় ৷