চুলি সুস্থ কৰি ৰাখিবলৈ চুলি কতাটো অতি প্ৰয়োজনীয়, কিমান দিনৰ পিছত চুলি কাটিব লাগে জানেনে…

স্বাস্থ্যসন্মত খাদ্য গ্ৰহণ, চুলিৰ সঠিক যত্ন লোৱা ৰুটিন আৰু মানসিক চাপ কমোৱাটোৱে চুলি দ্ৰুত বৃদ্ধিত সহায় কৰে। আনহাতে যদিও ট্ৰিমিং কৰিলে চুলি দীঘল নহয়, তথাপিও ই নিশ্চিতভাৱে চুলিক সুস্থ কৰি ৰখাত সহায় কৰে। দীঘল, ডাঠ আৰু ধুনীয়া চুলি সকলোৱে বিচাৰে। কিন্তু ডাঠ আৰু ধুনীয়া চুলি পোৱাটো অতি কঠিন। কাৰণ চুলি সোনকালে নাবাঢ়ে আৰু মাজে মাজে চুলি ফাটি যোৱাৰ সমস্যাও হয়। এনে পৰিস্থিতিত এটা প্ৰশ্নই বহুতকে আমনি কৰে যে চুলি দীঘল কৰিবলৈ কিমানবাৰ চুলি কটাব লাগে-

আপুনি জানি আচৰিত হ’ব যে আচলতে চুলি কাটিলে চুলি বেছি দীঘল নহয়। চুলিৰ বৃদ্ধি আপোনাৰ জিন আৰু খাদ্যৰ ওপৰত নিৰ্ভৰ কৰে। চুলি কটালে কেৱল আপোনাৰ চুলিখিনি সুস্থ কৰি ৰখাত আৰু ফাটি যোৱা চুলিৰ পৰা মুক্তি পোৱাতহে সহায় কৰে।

প্ৰতি ৬-৮ সপ্তাহৰ মূৰে মূৰে চুলিখিনি ভালদৰে পৰীক্ষা কৰক। যদি আপুনি ফটা চুলি দেখা পায়, তেন্তে সেই অংশটো ট্ৰিম কৰি ল’ব। ইয়াৰ ফলত আপোনাৰ চুলি সুস্থ হৈ থাকিব।

যদি আপোনাৰ চুলি অত্যধিক সৰিছে, তেন্তে ই চুলিৰ যত্নৰ ৰুটিনৰ অভাৱ বা চুলিৰ কোনো সামগ্ৰীৰ প্ৰতি এলাৰ্জীৰ লক্ষণ হ’ব পাৰে। এনে অৱস্থাত চুলিৰ বিশেষজ্ঞৰ পৰামৰ্শ লৈ চুলিখিনি অলপ ট্ৰিম কৰি লওক।

চুলিৰ সুস্বাস্থ্যৰ বাবে ৩-৪ মাহৰ মূৰে মূৰে এবাৰ লাইট ট্ৰিমিং কৰাটো উপকাৰী। ইয়াৰ ফলত ফাটি যোৱা চুলিবোৰ কমি যায় আৰু চুলিবোৰ ডাঠ যেন লাগে।

যদি আপোনাৰ চুলিখিনি শুকান হয় তেন্তে চুলি বেছিকৈ ফাটিব পাৰে। এনে চুলি কেইমাহমানৰ মূৰে মূৰে ট্ৰিম কৰাটো ভাল।

যদি আপুনি আপোনাৰ চুলিত ৰং কৰিছে বা আন কোনো ৰাসায়নিক চিকিৎসা কৰিছে, তেন্তে কেইসপ্তাহমানৰ পিছত অলপ কাটিব। ইয়াৰ দ্বাৰা শুকান আৰু নিৰ্জীৱ চুলিৰ পৰা মুক্তি পাব।